20 ءساۋىر، 2021

مەكتەپ وقۋشىلارى اراسىندا ۆيرۋس جۇقتىرعاندار كوبەيدى

189 رەت كورسەتىلدى

ءتورتىنشى توقسان باستالعالى ەلىمىزدە 3706 وقۋشى كوروناۆيرۋس جۇقتىرعان. مۇنداي دەرەكتەردى دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا مالىمدەدى، دەپ حابارلايدى Egemen.kz.

ء«تورتىنشى توقسان باستالعالى 3706 وقۋشى اۋىرىپ، ونىڭ ىشىندە وفلاين ءبىلىم الۋشىلار اراسىندا -1093، ونلاين رەجيمدە وقيتىن 2613 بالا ينفەكتسيا جۇقتىردى. كۆي جۇقتىرعان ءداستۇرلى فورماتتا وقيتىن وقۋشىلاردىڭ باسىم بولىگى قاراعاندى، قىزىلوردا جانە سولتۇستىك قازاقستان وبلىستارىندا تىركەلگەن. ونلاين رەجيمدە وقيتىنداردىڭ ۆيرۋس جۇقتىرۋ كورسەتكىشى نۇر-سۇلتان مەن الماتى قالالارىندا باسىم بولىپ تۇر»، دەپ ناقتىلادى مينيستر.

بۇگىندە الەم بويىنشا كۆي-ءدىڭ 141 ميلليوننان استام جاعدايى تىركەلگەن. 3 ملن-نان استام ادام قايتىس بولىپ، ءولىم كورسەتكىشى 2،1%-دى قۇرادى. سىرقاتتانۋ بويىنشا الەمدىك رەيتينگتە قازاقستان 221 ەلدىڭ اراسىندا 110-ورىندا، ال ءولىم كورسەتكىشى بويىنشا 107-ورىندا تۇر.

گاۋحار قاپاش


سوڭعى جاڭالىقتار

ۇقساس جاڭالىقتار