قازىرگى جاعداي, حالىقتى ۆاكتسينالاۋ بارىسىجانە مەملەكەت باسشىسى قاسىم-جومارت توقاەۆتىڭ تاپسىرمالارىن ورىنداۋ بويىنشا قابىلدانىپ جاتقان شارالار تۋرالى دەنساۋلىق ساقتاۋ ءمينيسترى الەكسەي تسوي, اقتوبە وبلىسىنىڭ اكىمى وڭداسىن ورازالين, شىمكەنت قالاسىنىڭ اكىمى مۇرات ايتەنوۆ, ماڭعىستاۋ وبلىسىنىڭ اكىمى سەرىكباي ترۇموۆ باياندادى.
ۆيرۋستىڭ رەپرودۋكتيۆتى كورسەتكىشى رەسپۋبليكا بويىنشا 1,065 قۇرايدى. ينفەكتسيالىق توسەك ورىندارىنىڭ جۇكتەمەسى – 41%, رەانيماتسيالىق توسەك ورىندارى – 27%. قازىرگى ۋاقىتتا Covid-19 تارالۋ قارقىنى بويىنشا «قىزىل ايماقتا» نۇر-سۇلتان, الماتى جانە شىمكەنت قالالارى, اتىراۋ, باتىس قازاقستان, اقمولا, قاراعاندى جانە اقتوبە وبلىستارى تۇر. قوستاناي جانە تۇركىستان وبلىستارىن قوسپاعاندا, قالعان بارلىق وڭىرلەر – «سارى ايماقتا».
«حالىقتى, اسىرەسە, قامتىلۋى تومەن وڭىرلەردە ۆاكتسينالاۋدى كەڭەيتۋ قاجەت. اي سايىن 2 ملن ادامدى ۆاكتسينامەن قامتاماسىز ەتۋ جونىندەگى جوسپاردى ناقتى ورىنداۋ كەرەك», دەدى ا. مامين.
پرەمەر-مينيستر كوروناۆيرۋسپەن اۋىرىپ قالعان ناۋقاستارعا ساپالى مەديتسينالىق كومەك كورسەتۋگە جانە ءداءرى-دارمەكتەردىڭ بولۋىنا تۇراقتى مونيتورينگ جۇرگىزۋدى تاپسىردى.
اكىمدىكتەرگە دەنساۋلىق ساقتاۋ, ىشكى ىستەر مينيسترلىكتەرىمەن, «اتامەكەن» ۇكپ-مەن بىرلەسىپ, ءموبيلدى مونيتورينگتىك توپتاردىڭ بەلسەندى قاتىسۋىمەن حالىقتىڭ سانيتارلىق-ەپيدەميولوگيالىق تالاپتاردى ساقتاۋىن قامتاماسىز ەتۋ تاپسىرىلدى.
