ەلىمىزدەگى 25 بانكتىڭ تورتەۋى عانا تاۋارلار مەن قىزمەتتەردى ءبولىپ تولەۋ تولەمى ارقىلى الۋعا مۇمكىندىك بەرەتىن ونلاين-دۇكەن قىزمەتىن ۇسىنىپ وتىر. ولار – ForteBank, Halyk Bank, Jusan Bank جانە Kaspi.kz. ال 11 ەكىنشى دەڭگەيلى بانكتەن دەپوزيتتى ونلاين اشۋعا بولادى. Ranking.kz مالىمەتى بويىنشا 2020 جىلدىڭ سوڭىندا ينتەرنەت-بانكينگ پەن ءموبيلدى قوسىمشانى پايدالانۋشىلار سانى 28,7 ملن-عا جەتكەن.
Finprom.kz دەرەگى بويىنشا 2021 جىلدىڭ العاشقى ەكى ايىنىڭ وزىندە-اق 7,7 ترلن تەڭگە ونلاين تولەنگەن. بۇل 2020 جىلدىڭ ءدال وسى كەزەڭىمەن سالىستىرعاندا ەكى ەسە كوپ. سونىڭ ىشىندە ونلاين تولەمدەردىڭ 82 پايىزى ءموبيلدى قوسىمشا جانە ينتەرنەت ارقىلى جۇزەگە اسقان. وسىدان-اق قولما-قول تولەمنىڭ جىل ساناپ قولدانىستان شىعا باستاعانىن اڭعارۋ قيىن ەمەس.
ءار بانكتىڭ ۇسىنعان شارتتارى مەن قىزمەت فورماتى ءارتۇرلى. ماسەلەن, ForteMarket ونلاين-دۇكەنىنەن تاۋاردى ءتورت ايدان ەكى جىلعا دەيىنگى ۋاقىتقا ءبولىپ ساتىپ الۋعا بولادى. بۇل رەتتە تاۋار قۇنى 600 مىڭ تەڭگەدەن اسپاۋى كەرەك. Halyk Market پەن Kaspi.kz قوسىمشالارىندا ءبولىپ تولەۋ تەك ءۇش ايعا بەلگىلەنگەن. الايدا كەيبىر ساتۋشىلار 12 جانە 24 ايعا بولۋگە رۇقسات بەرەدى. Jusan Bank كليەنتتەرى تاۋاردى ءۇش ايدان باستاپ ەكى جىلعا دەيىنگى ۋاقىتقا بولە الادى. شەكتى سوماسى – 1,5 ملن تەڭگە.
سوڭعى ۋاقىتتا بىرقاتار قارجى ينستيتۋتى ءتۇرلى كليەنتتەرگە ونلاين قىزمەتتەر ۇسىنا باستادى. ماسەلەن, «وتباسى بانك» زايمدى ءىشىنارا مەرزىمىنەن بۇرىن وتەۋگە مۇمكىندىك بەرەتىن ونلاين-ءوتىنىش فۋنكتسياسىن ىسكە قوستى. ForteBank قىزمەتىن تۇتىنۋشى جەكە تۇلعالار مەن زاڭدى تۇلعالار ۇيدەن شىقپاي-اق ونلاين شوت اشا الادى. «بۇل بيزنەستىڭ ونلاينعا كوشۋىن ىنتالاندىرىپ قانا قويماي, پاندەميا كەزىندە تاۋەكەلدەردى دە ازايتادى», دەيدى بانك. ال Halyk Bank جانە Kaspi.kz ماركەتپلەيسى ارقىلى جەكە كاسىپكەرلىكتى تىركەۋ پروتسەدۋراسى ەنگىزىلدى.
2020 جىلى بانكتەر جاعدايعا بەيىمدەلىپ جانە سوعان وراي ءتۇرلى فۋنكتسيالار قوسۋعا ارەكەت جاساسا, 2021 جىلى ونلاين نارىقتا باسەكەلەستىك ورناپ, سوعان ساي تۇتىنۋشىلار ءۇشىن دە تاڭداۋ ەركىندىگى تۋىندايدى دەگەن ءۇمىت باسىم.
