شابۋىل جاساعانداردىڭ سوزبەن سۋرەتتەلگەن كەسكىن-كەيپى سول ءتۇنى پوليتسيانىڭ بارلىق سىرتقى قىزمەتتەرىنە جولدانادى. قۇرامىندا پب پپب قىزمەتكەرلەرى دياس جاروۆ پەن تالعات ىڭكاروۆ, سونداي-اق ۋچاسكەلىك پوليتسيا ينسپەكتورى رينات وماروۆ بولعان ەكيپاج باعداردى قابىلداعاننان كەيىن, وزدەرىنىڭ وقيعا بولعان جەرگە جاقىن ماڭدا جۇرگەندەرىن تۇسىنگەن.
توناۋشى ەكەۋدىڭ اۋلالار مەن كوشەلەردىڭ اراسى ارقىلى قاشىپ كەتۋ قاۋپى جوعارى بولاتىن. الايدا پوليتسەيلەر ەكەۋدىڭ الدىنان توسۋدى كوزدەگەن. تۇيسىك الداماپتى, ۇزاماي سىرتقى سيپاتى بويىنشا قاراقشىلارعا ۇقساس ەكى ادام بايقالادى. ولار پوليتسەيلەردىڭ وزدەرىن توقتاتۋىن شابۋىلمەن بايلانىستى ەكەندىگىن دە بىردەن تۇسىنبەيدى, ويتكەنى قىلمىس جاسالعان ساتتەن بەرى 10 مينۋتقا جاقىن عانا ۋاقىت وتكەن.
ۇستالعاندار – بۇرىن سوتتالعان 29 بەن 24 جاستاعى قالا تۇرعىندارى بولىپ شىقتى. ەكەۋىنىڭ ۇستىنەن قىلمىستىق كودەكست «توناۋ» بابى بويىنشا سوتقا دەيىنگى تەرگەپ-تەكسەرۋلەر باستالدى. ولاردىڭ ءبىرىنىڭ قالتاسىنان توناۋدىڭ دەرەگى – قالتافون الىندى. قازىر توناۋشىلار ۋاقىتشا ۇستاۋ يزولياتورىنا قامالدى.
