اتالعان قور قىزمەتكەرلەرىنىڭ مالىمەتىنشە, كيم سەرىكباەۆ كوروناۆيرۋستان قايتىس بولعان.
كيم سەرىكباي ۇلى 1934 جىلى 14 قاڭتاردا اقتوبە وبلىسى حرومتاۋ اۋدانى كوپتوعاي اۋىلىندا دۇنيەگە كەلگەن.
1952-1956 جىلدارى قازىرگى قازمۋ-دە, ۋفا اسكەري ۋچيليششەسىندە وقىدى. 1970 جىلى ماسكەۋدەگى اسكەري اكادەميانى بىتىرگەن. ءومىرىنىڭ سوڭعى جىلدارىندا ارداگەرلەر كەڭەسىنىڭ توراعاسى قىزمەتىن اتقارعان.
1956-1966 جىلدارى قيىر, شىعىس, پريكارپاتە, ماسكەۋ, ورتا ازيا اسكەري وكرۋگتەرىندە ۆزۆود, روتا, باتالون كومانديرى, موتواتقىشتار پولكىندا شتاب باستىعى, پولك كومانديرى بولىپ قىزمەت اتقارعان.
1970-1973 جىلدارى ماسكەۋدەگى اسكەري اكادەميادا كۋبادان, موڭعوليادان كەلگەن وفيتسەرلەرگە جالپى تاكتيكادان ساباق بەرگەن.
1973-75 جىلدارى الماتى جوعارى اسكەري كوماندالىق ۋچيليششەسىندە كافەدرا باستىعى, 1975-1988 جىلدارى الماتى جوعارى پارتيا مەكتەبىندە كافەدرا باستىعى.
1988-91 جىلدارى ب.مومىش ۇلى اتىنداعى رەسپۋبليكالىق اسكەري مەكتەپ-ينتەرناتتىڭ باستىعى.
1992-1993 جىلدارى مەملەكەتتىك قورعانىس كوميتەتى توراعاسىنىڭ كەڭەسشىسى. قر پرەزيدەنتى اپپاراتى مەن مينسترلىگى كابينەتى جانىنان قۇرىلعان قورعانىس ءبولىمىنىڭ جەتەكشىسى. 1994-1996 جىلدارى مينسترلىگى كابينەتىجانىنداعى مەملەكەتتىك اتتەستاتسيا كوميتەتىندە ارناۋلى ماسەلەلەر جونىندەگى باس ساراپشى.
1996-1999 جىلدارى قر پارلامەنتىنىڭ ءماجىلىس اپپاراتىندا قورعانىس جانە قاۋىپسىزدىك ماسەلەلەر جونىندەگى كەڭەسشى قىزمەتىن اتقارعان. اسكەري قايراتكەر 180-گە جۋىق عىلىمي ەڭبەكتىڭ اۆتورى. 3-دارەجەلى «كسرو قارۋلى كۇشتەرىندە وتانعا قىزمەت ەتكەنى ءۇشىن» وردەنىمەن, كوپتەگەن مەدالدارمەن ماراپاتتالعان.
