كەشە رەسپۋبليكالىق جەدەل-قۇتقارۋ جاساعىنىڭ كەزەكشى بولىمىنە دابىلدى حابارلاما كەلىپ ءتۇستى. بەلگىلى تۋريستىك اگەنتتىكتىڭ ۇيلەستىرۋشىسى, اۋا رايىنىڭ قولايسىزدىعىنان شىمبۇلاق شىڭىنان (تەڭىز دەڭگەيىنەن 3450 مەتر بيىكتىكتەن) ءوز بەتىنشە تۇسە الماي جاتقان تۋريستىك توپ تۋرالى حابارلادى.
رجقج جەدەل توبى, جەكە قۇرامنىڭ 7 ادامى, سونىڭ ىشىندە كينولوگيالىق ەسەپ وقيعا ورنىنا شىقتى. بۇل تۋرالى قر تجم رەسمي وكىلى تالعات ءۋالي حابارلادى.
جول ءجۇرۋ كەزىندە رجقج قۇتقارۋشىلارى تۋريستەردىڭ ورنالاسۋ ورنى بار گەولوكاتسيالىق دەرەكتەردى الدى. شىمبۇلاق شاتقالىنا جەدەل اۆتوكولىكپەن جەتكەن سوڭ, رجقج قىزمەتكەرلەرى ءارى قاراي زارداپ شەككەندەرگە جاياۋ جەتتى.
«تۋريستەر شىڭنىڭ جوعارعى جاعىنان تابىلدى. بەلگىلى بولعانداي, تۋريستەر مارشرۋتتىڭ سوڭعى نۇكتەسىنە جەتكەندە, اۋا-رايى لەزدە ناشارلاي باستادى, ايماق تۇمانعا تولىپ, نايزاعاي تۇسە باستادى, جولدار كورىنبەدى. توپتى ەرتىپ جۇرگەن گيدتىڭ ايتۋىنشا, كەلەسى نايزاعاي ادامدارعا جاقىن جەرگە تۇسكەندىكتەن, تاۋلاردىڭ بىرىندە اۋا-رايىنان جاسىرىنۋ تۋرالى شەشىم قابىلداندى. ءبىراز ۋاقىتتان كەيىن اۋا رايى جاقسارا باستادى, زارداپ شەككەندەر جارتاستار جىرالارىنان شىعىپ, شىڭعا ورالىپ, سول جەردەن رجقج قۇتقارۋشىلارىنا گەواقپارات جىبەرەدى, سول جەردە رجقج قۇتقارۋشىلارىمەن كەزدەستى. تۋريستىك توپتىڭ مۇشەلەرى قورقىپ قالعان, ەشكىم مەديتسينالىق كومەككە مۇقتاج بولمادى», دەلىنگەن حابارلامادا.
رجقج قۇتقارۋشىلارى شىمبۇلاق اۋدانىنداعى تۇراققا دەيىن تۋريستەردى ەرتىپ اپاردى.
رجقج قىزمەتكەرلەرى جورىققا شىقپاس بۇرىن تاۋلارداعى اۋا رايى بولجامىمەن مىندەتتى تۇردە تانىسىپ, وزىڭىزبەن بىرگە قوسىمشا جىلى كيىم الىپ ءجۇرۋىڭىز جانە ۇيالى تەلەفونىڭىزعا قوسىمشا قۋات كوزىن ۇمىتپاۋىڭىز قاجەت ەكەنىن ەسكەرتەدى. مۇنداي قاراپايىم ەرەجەلەر ءسىزدىڭ ءومىرىڭىزدى ساقتاپ قالۋى مۇمكىن.
