ەڭ ۇزدىك ناتيجە ورتا سالماقتا كۇش سىناسىپ جۇرگەن گەننادي گولوۆكينگە تيەسىلى ەكەنى انىق. سەبەبى, داڭقتى وتانداسىمىز بۇل كۇندەرى IBF نۇسقاسى بويىنشا چەمپيوندىق بەلبەۋدى يەلەنۋدە. ءدال سول سالماقتاعى جانىبەك ءالىمحان ۇلى مەن مەيىرىم نۇرسۇلتانوۆ 9 جانە 10 ورىنداردى ەنشىلەۋدە. ولارعا قاراعاندا ايدوس ەربوسىن ۇلىنىڭ كوشى الدەقايدا ىلگەرى. ءبىرنشى ورتا سالماقتا ونەر كورسەتەتىن قانداسىمىز ءتورتىنشى ساتىعا تابان تىرەپ تۇر. ايدوس 17 ساۋىردە گەرمانيانىڭ كارلسرۋە قالاسىندا وتكەن جارىستا رەسەيلىك ەۆگەني شۆەدەنكومەن جۇدىرىقتاسۋعا ءتيىس ەدى. الايدا قازاق بوكسشىسىنىڭ كوروناۆيرۋس دەرتىنە شالدىعۋىنا بايلانىستى بۇل جەكپە-جەك كەيىنگە شەگەرىلدى. سونداي-اق, «توپ-10» ساڭلاقتىڭ قاتارىندا دانيار ەلەۋسىنوۆ پەن باتىر جۇكەمباەۆ تا بار. ولار ءوز سالماقتارىندا سەگىزىنشى ورىنعا تابان تىرەدى.
ءبىر ايتا كەتەرلىگى, جوعارىدا ەسىمدەرى اتالعان قازاق جىگىتتەرىنىڭ بىردە-بىرەۋى ءالى جەڭىلىستىڭ كەرمەك ءدامىن تاتقان ەمەس. ەگەر الداعى ۋاقىتتا وسى باعىتتارىنان جاڭىلماي, قارسى كەلگەندەرىن قوعاداي جاپىرسا, وندا ولاردىڭ دا الەمدىك ءتاج ءۇشىن تالاسۋىنا تاماشا مۇمكىندىك تۋىندايدى.
