قازاقستاندىق ولەگ بولتين 125 كگ سالماقتا فينالدا قىرعىزستاندىق ايال لازارەۆپەن بەلدەستى.
وتە تارتىستى وربىگەن بەلدەسۋ بارىسىندا قىرعىزستاندىق بالۋان 3:2 ەسەبىمەن الدا تۇردى. سوڭعى سەكۋندتاردا ەكى بالعا باعالانعان ءادىس جاساپ ۇلگەرگەن و.بولتين ەركىن كۇرەستەن قازاقستان قۇراماسى ءۇشىن ءۇشىنشى التىنعا قول جەتكىزدى.
وسى اسا اۋىر سالماقتا بۇدان ءبىر جىل بۇرىن يۋسۋپ باتىرمۇرزاەۆ ازيا چەمپيونى اتانعان ەدى. بيىل وعان قوسا يۋسۋپ باتىرمۇرزاەۆ الماتىدا وتكەن ليتسەنزيالىق تۋرنيردە وليمپيادا جولداماسىن يەلەنگەن بولاتىن. ەندى و.بولتين ازيا بىرىنشىلىگىندە ۇزدىك شىعىپ وتىر.
تاعى ءبىر قازاقستاندىق ەلحان اسادوۆ 92 كگ سالماقتا قولا جۇلدە ءۇشىن باسەكەدە وڭتۇستىككورەيالىق بالۋانعا ەسە جىبەردى.
