ايماقتار • 17 ءساۋىر، 2021

ەكى كۇندە 15 ءجاسوسپىرىمنىڭ ءتۇن كەزىپ جۇرگەنى انىقتالدى

30 رەت كورسەتىلدى

پەتروپاۆل قالاسىندا 14 ساۋىردەن بەرى پوليتسەيلەر «تۇنگى قالاداعى بالالار» اتتى جەدەل-پروفيلاكتيكالىق ءىس-شارالار وتكىزۋدە، دەپ حابارلايدى Egemen.kz.

ونىڭ ماقساتى– جاستار كوپ جينالاتىن ورىندار، ويىن-ساۋىق مەكەمەلەرى، قالا كوشەلەرىندە كامەلەتكە تولماعانداردىڭ زاڭدى وكىلدەرىنىڭ ەرتىپ ءجۇرۋىنسىز قىدىرۋىن قاداعالاۋ. «بالالاردىڭ زاڭدى وكىلدەرى رەتىندە تەك اتا-اناسى نەمەسە ولاردى الماستىراتىن تۇلعالار بولۋى مۇمكىن. باسقا جاعدايدا ءجاسوسپىرىمنىڭ اتا-اناسىن جانە ءدامحانا يەسىن جاۋاپقا تارتۋعا تۋرا كەلەدى. ءىس-شارانىڭ ەكى كۇنىندە كامەلەتكە تولماعانداردىڭ ساعات 22-دەن كەيىن ويىن-ساۋىق ورىندارىندا جانە ساعات 23-تەن كەيىن تۇرعىنجايدان تىس جۇرۋلەرىنىڭ 15 فاكتىسى انىقتالدى. كامەلەتكە تولماعان بالالاردى تاربيەلەۋ جانە اسىراۋ بويىنشا مىندەتتەرىن اتقارماعانى ءۇشىن 7 زاڭدى وكىل جاۋاپقا تارتىلدى»،  دەپ اتاپ ءوتتى پەتروپاۆل قالاسى پوليتسيا باسقارماسى باستىعىنىڭ ءبىرىنشى ورىنباسارى، پوليتسيا پودپولكوۆنيگى الىبەك عابدۋللين.

سونىمەن قاتار پوليتسيا تۇرعىلىقتى جەرى بويىنشا تۇرمىسى قولايسىز 56 وتباسىنى، ەسەپتە تۇرعان 40 ءجاسوسپىرىمدى تەكسەردى. كەيدە جاسوسپىرىمدەر قۇقىقتىق ساۋاتسىزدىقتان كەيبىر ارەكەتتەرىنە قاتىستى جاۋاپكەرشىلىك كوزدەلگەنىن تۇسىنبەگەندىكتەن، قۇقىق بۇزۋشىلىققا جول بەرىپ جاتادى. ءتارتىپ ساقشىلارى بۇل ماسەلەلەردى شەشۋ ءۇشىن قىلمىستىق ارەكەتتەردەن ساقتانۋ جولدارى تۋرالى كەڭەستەر بەردى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار