قوعام • 17 ءساۋىر، 2021

جەر كوميسسياسى جەردى 49 جىلعا جالعا بەرۋ ماسەلەسىن تالقىلاپ جاتىر

67 رەت كورسەتىلدى

جەر رەفورماسى جونىندەگى كوميسسيا وتىرىسىندا اۋىل شارۋاشىلىعى جەرلەرىن مۇراعا بەرۋ مەن 49 جىلعا دەيىن جالداۋ مەرىزىمىن ساقتاۋ تالقىلانىپ جاتىر، دەپ حابارلايدى Egemen.kz قازاقپاراتقا سىلتەمە جاساپ.

«ەكونوميكالىق جۇمىس توبىنىڭ ءۇشىنشى وتىرىسىنا 33 ادامنىڭ 26-سى قاتىستى. كۇن تارتىبىندە 5 ماسەلە قارالدى. ءبىرىنشى ماسەلە – اۋىل شارۋاشىلىعى جەرلەرىن مۇراعا بەرۋ مۇمكىندىگىن قامتاماسىز ەتە وتىرىپ، ولاردى 49 جىلعا دەيىن جالداۋ مەرىزمىن ساقتاۋ. تالقىلاۋدىڭ قورىتىندىسى – اۋىل شارۋاشىلىعى جەرلەرىن 49 جىلعا دەيىن جالعا بەرۋدى قالدىرۋدى جۇمىس توبى مۇشەلەرىنىڭ كوپشىلىگى قولدادى. سەبەبى، جەردى 49 جىلعا دەيىن جالعا بەرۋ مەرزىمى قازاقستاندا العاش رەت 1995 جىلى جەر تۋرالى زاڭعا سايكەس قابىلدانعان. سودان بەرى 26 جىل ءوتتى. بۇل شارت اۋىل شارۋاشىلىعى جەرلەرىن پايدالانۋدىڭ جۇيەسىن قالىپتاستىردى»، دەدى ەكونوميكالىق جۇمىس توبىنىڭ باسشىسى ا. كۇرىشباەۆ اۋىل شارۋاشىلىعى مينيسترلىگىندە وتكەن جەر رەفورماسى جونىندەگى كوميسسيا وتىرىسىندا.

جۇمىس توبىنا قاتىسقان بەلىگىل اۋىل شارۋاشىلىعى ماماندارى، ءىرى اۋىل شارۋاشىلىعى كاسىپورىندارىنىڭ باسشىلارى وسى مەرزىمدى اۋىل شارۋاشىلىعىنىڭ ءتيىمدى جۇمىس ىستەۋدىڭ نەگىزى دەپ قولداپ وتىر.

«حالىقارالىق تاجىريبەگە كەلسەك، الەمنىڭ كوپتەگەن ەلدەرىندە، ونىڭ ىشىندە كورشىلەرىمىزدە – رەسەي، وزبەكستان، ۋكراينا جانە ت.ب. ەلدەردە اۋىل شارۋاشىلىعى جەرلەرىن جالعا 49-50 جىلعا بەرىلەدى. وسى سۇراقتىڭ كەلەسى بولىگى – جالعا الۋ قۇقىعىن مۇراعا قالدىرۋ تۋرالى ۇسىنىس. بۇل ماسەلە قولدانىستاعى جەر كودەكسىنىڭ 40-بابىمەن رەتتەلەدى. قر كونستيتۋتسياسىنا سايكەس، مۇراگەرلىك قۇقىعىنا زاڭمەن كەپىلدىك بەرىلەدى جانە ول شەكتەلمەۋى ءتيىس. ناقتىلاپ ايتساق، مۇراگەرلىك مۇمكىندىگى جەردى جالعا بەرگەن مەرزىمى شەگىندە عانا ىسكە اسادى. بۇل ۇسىنىستى قولداعاندار – 25 ادام، قارسى بولعان – 1 ادام»، دەدى اقىلبەك كۇرىشباەۆ.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار