ايماقتار • 16 ءساۋىر، 2021

پەتروپاۆلدا مەيرامحانا ورتەنىپ، ادامدار ەۆاكۋاتسيالاندى

57 رەت كورسەتىلدى

پەتروپاۆلدا «تبيليسي» مەيرامحاناسى ورتەنىپ، 9 ادام قاۋىپسىز جەرگە شىعارىلدى، دەپ حابارلايدى Egemen.kz قازاقپاراتقا سىلتەمە جاساپ.

سولتۇستىك قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، 16 ءساۋىر، ساعات 18.17-دە 101 پۋلتىنە پەتروپاۆلداعى «تبيليسي» مەيرامحاناسىندا ءورت شىققاندىعى جايىندا حابارلاما تۇسەدى.

ماماندار وقيعا ورنىنا جەتىپ، بىردەن ءورت سوندىرۋگە كىرىستى. ولار كەلگەندە ەكى قاباتتى عيمارات قالىڭ تۇتىنگە ورانىپ، شاتىرى لاپىلداپ جانىپ جاتقان. سول جەردە شۇعىل شتاب قۇرىلىپ، پەتروپاۆل قالاسىنىڭ ءورت ءسوندىرۋ قىزمەتىنىڭ قوسىمشا كۇشى تارتىلدى. ءورت ءۇش ۋچاسكەدە ءبىر ۋاقىتتا سوندىرىلە باستادى.

مامانداردىڭ ايتۋىنشا، عيماراتتان 9 ادام – مەيرامحانا قىزمەتكەرلەرى قاۋىپسىز جەرگە شىعارىلدى. ورتپەن كۇرەسكە 15 تەحنيكا جانە جەكە قۇرامنان 67 ادام جۇمىلدىرىلدى.

ءورتتىڭ سالدارىنان عيماراتتىڭ شاتىرى جانىپ كەتتى، ەكى قابات – 280 شارشى مەتر جالىنمەن زاقىمداندى.

ءتىلسىز جاۋ ساعات 19.03-تە تولىق ءسوندىرىلدى. زارداپ شەككەندەر مەن قازا تاپقاندار جوق.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار