ايماقتار • 16 ءساۋىر، 2021

الماتى وبلىسىنىڭ ورمان القابىنداعى ءورت ءالى تولىق سوندىرىلگەن جوق

16 رەت كورسەتىلدى

14-15 ساۋىردە الماتى وبلىسى بالقاش اۋدانىندا بولعان ءورت «كۇرتى ورمان شارۋاشىلىعى» كمم تاۋقۇم ورمانشىلىعىنىڭ، «باقاناس» كمم كوكتال جانە اقكول ورمانشىلىعىنىڭ، سونداي-اق ىلە-بالقاش مەملەكەتتىك تابيعي رەزەرۆاتىنىڭ اۋماقتارىن قامتىدى، دەپ حابارلايدى ەgemen.kz.

تاۋقۇم ورمانشىلىعى اۋماعىندا ءورت 15 ءساۋىر كۇنى كەشكە توقتاتىلدى. وقيعا ورنىندا ءورتتى تولىق وقشاۋلاۋ بويىنشا جۇمىستار جالعاسۋدا. وعان مەملەكەتتىك ورمان كۇزەتىنەن 24 ادام، ءورت ءسوندىرۋ كولىگى، تراكتور، 3 جەڭىل اۆتوكولىك، اۋداندىق تج بولىمىنەن 6 ادام جانە جەڭىل اۆتو قاتىستى.

كوكتال ورمانشىلىعىندا دا ءورت توقتاتىلدى. ءورتتى سوندىرۋگە اۋداندىق تج بولىمىنەن 22 ادام، مەملەكەتتىك ورمان كۇزەتىنەن 2 ءورت ءسوندىرۋ ماشيناسى، تراكتور، 4 پاترۋلدىك كولىك، اۋداندىق تج بولىمىنەن 5 ادام جانە ءورت ءسوندىرۋ كولىگى  جۇمىلدىرىلدى.

اقكول ورمانشىلىعىندا ءورت «قازاۆياورمانقورعاۋ» رمقك 7 ادام جانە اۋداندىق وكرۋگتەن 3 ادام كۇشىمەن ءسوندىرىلدى.

سونىمەن قاتار، ىلە-بالقاش مەملەكەتتىك تابيعي رەزەرۆاتىنىڭ اۋماعىندا، بالقاش ماڭىندا، قاراعاندى وبلىسىمەن شەكتەسەتىن ۇزىنارال ارالىندا ءورت بايقالادى. ونى سوندىرۋگە 24 ادام مەن 4 اۆتوكولىك جۇمىلدىرىلدى.

ىلە-بالقاش متر  بالقاش ماڭى فيليالىنا شەكارالاس قاراعاندى وبلىسىمەن شەكتەسەتىن ۇزىنارال ارالى ورتەنۋدە. ءورتتى توقتاتۋ جۇمىستارىن 24 ادام، 4 اۆتوكولىك جۇرگىزۋدە.

ىلە ساعاسى فيليالىنداعى ءورت توقتاتىلىپ، ءورتتى جويۋ جۇمىستارى جالعاستىرىلۋدا، ورتەنىپ جاتقان جەر قامىستى، سۋلى-باتپاقتى، جولسىز  اۋماقتار بولعاندىقتان تەحنيكانىڭ، ادام كۇشىنىڭ ءورت اۋماعىنا تىكەلەي كىرىپ، تولىق وشىرۋىنە مۇمكىندىك بەرمەۋدە.

ءورتتى ءسوندىرۋ كەزىندە ادامداردىڭ جاراقاتتانۋى مەن شىعىنى بولعان جوق. ءورت كولەمى جانە كەلتىرىلگەن زالال تۋرالى اقپارات ناقتىلانادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار