2021 جىلعى 30 ناۋرىزدا ەكولوگيا, گەولوگيا جانە تابيعي رەسۋرستار, ىشكى ىستەر مينيسترلىكتەرى مەن ۇلتتىق قاۋىپسىزدىك كوميتەتى اراسىندا بەكىرە جانە باسقا دا بالىق تۇرلەرىن ساقتاۋ, سونداي-اق ولاردىڭ ۋىلدىرىق شاشۋى ءۇشىن قولايلى جاعدايلاردى قامتاماسىز ەتۋ ماقساتىندا «ورال-كاسپي باسسەينىنىڭ سۋ ايدىندارىندا «بەكىرە-2021» كەڭ اۋقىمدى بالىق قورعاۋ اكتسياسىن وتكىزۋ تۋرالى» بىرلەسكەن بۇيرىققا قول قويىلدى.
اكتسيا باستالعاننان بەرى جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ ينسپەكتورلارى قۇقىق قورعاۋ, تابيعات قورعاۋ ورگاندارىنىڭ جانە قر ۇقك شەكارا قىزمەتىنىڭ قىزمەتكەرلەرىمەن بىرلەسىپ, تابيعات قورعاۋ زاڭناماسىن بۇزۋدىڭ 360 دەرەگىن انىقتاپ, جولىن كەستى, سونىڭ ناتيجەسىندە 210 ادام اكىمشىلىك جاۋاپكەرشىلىككە تارتىلدى.
سونىمەن قاتار 33 ماتەريال سوت ورگاندارىنا جولداندى, براكونەرلىك جانە سيرەك كەزدەسەتىن جانە قۇرىپ كەتۋ قاۋپى تونگەن بالىق تۇرلەرىمەن زاڭسىز اينالىسۋ فاكتىلەرى بويىنشا 20 قىلمىستىق ءىس قوزعالدى. ءتارتىپ بۇزۋشىلارعا 3,4 ملن تەڭگە ايىپپۇل سالىندى.
زاڭسىز اينالىمنان 14,6 توننا بالىق الىندى, ونىڭ ىشىندە 551,5 كگ بەكىرە تۇقىمداس بالىق تۇرلەرى, 152 بىرلىك اۋلاۋ قۇرالدارى, 11 بىرلىك اۆتوموبيل جانە 28 بىرلىك سۋ كولىگى.
وزەن ارناسى مەن تەڭىز اكۆاتورياسىن كۇندەلىكتى تەكسەرۋ ناتيجەسىندە سۋ قويمالارىنان جالپى ۇزىندىعى 40 كم-گە جۋىق 438 بىرلىك زاڭسىز بالىق اۋلاۋ قۇرالدارى الىندى.
اكتسيا 2021 جىلدىڭ 31 مامىرىنا دەيىن جالعاسادى.
