ايماقتار • 16 ءساۋىر، 2021

سولتۇستىك قازاقستاندا ورمان ورتىمەن كۇرەسەتىن مەكەمەلەردىڭ دايىندىعى تەكسەرىلدى

8 رەت كورسەتىلدى

سولتۇستىك قازاقستان وبلىسىندا ورمان ورتىمەن كۇرەسەتىن كوممۋنالدىق مەملەكەتتىك مەكەمەلەردىڭ دايىندىعى تەكسەرىلدى، دەپ حابارلايدى Egemen.kz

سقو تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ مالىمەتىنشە، مەملەكەتتىك ورمان قورىنىڭ اۋماعى 549،6 مىڭ گا، ونىڭ 439،8 مىڭ گا ورماندى القاپ. وسىنداي ۇلكەن اۋماقتا ورتكە قارسى ءىس-شارالاردى، ورتپەن كۇرەستى ورمان شارۋاشىلىعىنىڭ 12 كوممۋنالدىق مەملەكەتتىك مەكەمەسى اتقارادى.

«ورمان شارۋاشىلىعى جانە جانۋارلار الەمى كوميتەتىنىڭ بۇيرىعىمەن 3 جۇمىس توبى قۇرىلدى. ونىڭ قۇرامىنا ورمان شارۋاشىلىعى جانە جانۋارلار الەمى ينسپەكتسياسىنىڭ جانە تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ ماماندارى كىردى. جۇمىس توبى ورمان شارۋاشىلىقتارىنىڭ بيىلعى ءورت قاۋپى جوعارى ماۋسىمعا دايىندىعىن تەكسەردى. ماماندار ءورت ءسوندiرۋ تەحنيكاسىنىڭ، قۇرال-سايماندار مەن جابدىقتاردىڭ ورمان ورتتەرiن سوندiرۋگە ازىرلىگىن پىسىقتادى. بۇل جۇمىستار 26 ناۋرىزدا باستالىپ، 15 كۇنگە جالعاستى»، دەيدى سقو تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ ءبولىم باسشىسى ۆاسيلي لابانچۋك.

بۇل جۇمىس وبلىس ورماندارىن ورمان ورتتەرiنەن ساقتاۋدى قامتاماسىز ەتۋ، ءورت وشاقتارىن ۋاقتىلى انىقتاۋ جانە جويۋ، قاجەتتi كۇشتەر مەن قۇرالداردىڭ بولۋى مەن ولاردى تارتۋ، ءورت سوندiرۋگە جاۋىنگەرلiك ازiرلiگiن تەكسەرۋ ماقساتىندا جۇرگiزiلەدi. جۇمىس توبى ورمان شارۋاشىلىقتارىنىڭ ءورت ءسوندىرۋ كەزىندە ءوزارا iس-قيمىل جانە مۇددەلi جەرگiلiكتi اتقارۋشى جانە اۋماقتىق ورگانداردىڭ ءوزارا iس-قيمىلىن ۇيىمداستىرۋ جوسپارىنىڭ بولۋىن تەكسەردى.

«كوكتەم كەلىسىمەن ورمان ءورتىنىڭ شىعۋ قاۋپى ارتادى. سوندىقتان ماماندار تاس-ءتۇيىن دايىن وتىرۋلارى كەرەك. تەكسەرۋ بارىسىندا ەش نارسە نازاردان تىس قالمادى، راديوبايلانىس قۇرالدارىنىڭ، جانار-جاعارمايدىڭ رەزەرۆىنىڭ بولۋى، نەگiزگi ورتكە قارسى iس-شارالار جوسپارلارى، ءورت قاۋپi جوعارى كەزەڭگە كەزەكشiلiك ۇيىمداستىرۋ – بارلىعى تەكسەرىلدى»، دەيدى ۆاسيلي لابانچۋك.

تەكسەرۋ قورىتىندىسى بويىنشا، سقو-نىڭ ورمان شارۋاشىلىقتارىنىڭ دايىندىق دەڭگەيi 10 بالدىق جۇيەمەن 8،7 بالل دەپ باعالاندى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار