ەكونوميكا • 16 ءساۋىر، 2021

بانك اكتيۆتەرى كوبەيدى

19 رەت كورسەتىلدى

پاندەميا ارقاسىنا ايازداي باتپاعان ءبىر سالا بولسا، ول – بانك سەكتورى. جاڭا دەرەكتەر بويىنشا، قازاقستاندىق بانكتەردىڭ اكتيۆتەرى ناۋرىز ايىندا 32 ترلن تەڭگەگە جەتكەن. الەۋەتتى قارجى ينستيتۋتتارى تۇگەل دەرلىك ءوسىم كورسەتكەن.

banki.ru

Ranking.kz اقپاراتىنا سۇيەنسەك، ناۋرىز ايىنداعى كور­سەتكىش (32 ترلن تەڭگە) اقپان ايى­مەن سالىستىرعاندا 2،2 پا­يىز­عا، ال ءبىر جىل بۇرىنعى ۋاقىت­پەن سالىستىرعاندا 19،7 پايىزعا جو­عارى. اكتيۆتەر ءوسىمى بويىنشا ازىر­گە RBK Bank-كە تەڭ كەلەرى جوق. اتالعان بانكتىڭ ءوسىمى 53،8 پا­يىزعا كوبەيىپ، 986،4 ملرد تەڭگەنى قۇراعان. تەك ءبىر ايدىڭ وزىندەگى ءوسىم كور­سەتكىشى – 5 ملرد تەڭگە.

ۇزدىك ۇشتىككە مەملەكەتتىك باعدارلاما اياسىندا يپوتەكالىق نەسيەلەۋدى كوزىر قىلعان «وتبا­سى بانك» (+51،8 پايىز) پەن رەسەيلىك ەنشىلەس «سبەربانك» (+41،3 پايىز) كىرەدى. ايلىق ديناميكادا 6 بانك، جىلدىق ديناميكادا 9 بانكتىڭ ءوسىمى وڭ ناتيجەگە يە.

«قازاقستاندىق بانكتەردىڭ اكتيۆ ءوسىمى بويىنشا بيىلعى كورسەتكىشى كوروناداعدارىسقا دەيىنگى كەزەڭنىڭ ءوزىن باسىپ وزادى. سالىستىرار بولساق، 2020 جىلدىڭ اقپان ايىنىڭ قورىتىندىسى بويىنشا ەكىنشى دەڭگەيلى بانكتەردىڭ اكتيۆى 26،7 ترلن تەڭگەنى قۇراپ، ءبىر جىل بۇرىنعىمەن سالىستىرعاندا 8،8 پايىزعا عانا جوعارى بولدى. 2019 جىلدىڭ اقپانىندا سەكتوردىڭ جىلدىق ءوسىمى 4،1 پايىزدى قۇراعان ەدى. ال بيىل ناۋرىز ايىندا ەكىنشى دەڭگەيلى بانكتەردىڭ قارىز پورتفەلى 15،4 ترلن تەڭگەگە جەتتى. بۇل 2020 جىلمەن سالىستىرعاندا 5،7 پايىزعا كوپ. نەسيە پورت­فەلىنىڭ بانك اكتيۆتەرىنە قا­تى­ناسى 48 پايىزدى قۇرادى. نەسيە پورتفەلىنىڭ جىلدىق ديناميكاسىنىڭ ءوسۋى بويىن­شا كوشباسشىلاردىڭ وندىعى­نا سول ءۇش قارجى ينستيتۋتى (RBK Bank، «وتباسى بانك» جانە «سبەربانك») كىرەدى، بۇل ولاردىڭ نەسيە نارىعىنداعى جەتەكشى پوزيتسيالارىنىڭ تۇراقتىلىعىن كورسەتەدى. RBK Bank زايم پورتفەلىن 32 پا­يىزعا، «وتباسى بانك» 31،8 پا­يىز­عا، ال «سبەربانك» 23،5 پا­يىز­عا ارتتىرعان» دەلىنگەن مو­ني­تورينگ جاسايتىن جوبا زەرتتەۋىندە.

بانك سەكتورىن بانكتەردىڭ وزدەرى قالاي باعالايدى؟ بۇل تۋرالى ولاردىڭ سوڭعى جىل­دار­داعى ەسەپتەرىنەن دە انىق باي­قاۋعا بولادى. قارجى ينستي­تۋتتارى سەكتوردىڭ ەكونو­مي­كاعا اسەرى تومەندەپ كەلە جات­قا­نىن جاسىرمايدى. «بانك سەك­تورىنىڭ 2019 جىلى ال­دە­قايدا قارقىندى ءوسىم كورسەت­كەنىنە قاراماستان ونىڭ ەكونو­ميكاعا اسەرى تومەندەپ جاتىر» دەلىنەدى «حالىق بانك» حابارلاماسىندا.

«سبەربانك» ساراپشىلارى­نىڭ ايتۋىنشا، 2008 جىلعى داع­دارىستان ەلىمىزدىڭ بانك جۇيەسى ءالى وڭالىپ كەتە العان جوق. بۇعان 2014-2016 جىلداردان باستالعان داعدارىستان تۋىنداعان كور­پوراتيۆتى نەسيەلەۋدىڭ توقى­راۋىن دا قوسىپ قويىڭىز دەي­دى ساراپشىلار. ForteBank پىكى­رىن­شە، بولشەك زايمدار نەسيە نارىعىنىڭ باستى درايۆەرى بولىپ وتىر. ولاردىڭ جيىنتىق قارجى پورتفەلىندەگى ۇلەسى 2018 جىلدىڭ اياعىندا 36،3 پايىزدان 2019 جىلدىڭ اياعىندا 42،9 پايىزعا دەيىن وسكەن. بۇل رەتتە بولشەك زايمنىڭ 70 پايىزى تۇتىنۋشىلىق نەسيەلەرگە تيەسىلى ەكەنىن ايتا كەتۋ كەرەك. ۇجىمدىق نەسيە كولەمى 27،8 پايىزدى قۇراسا، نەسيەلەردەگى شاعىن جانە ورتا بيزنەس ۇلەسى 26،9 پايىزعا تومەندەگەن.

جوعارىداعى ويدى «بانك تسەنتركرەديت» تە قۋاتتاي تۇسەدى. «بولشەك نەسيە بەرۋ سوڭعى ءۇش جىلدا تۇراقتى ءوسۋ ءۇردىسىن كور­سەتتى. جەكە تۇلعالاردىڭ نە­سيە قۇرىلىمىندا نەگىزگى ءوسىم مەملەكەت ىنتالاندىرىپ وتىرعان يپوتەكالىق نەسيە جانە تۇتىنۋشىلىق نەسيەلەۋ ەسە­بىنەن كوتەرىلىپ وتىر» دەلى­نەدى بانك ەسەبىندە.

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار