12 وڭىرلىك كەڭەستىڭ قۇرامىنا ءماسليحات دەپۋتاتتارى, پارتيا جاقتاستارى, بەلسەندىلەر, ساراپشىلار, بلوگەرلەر, قوعامدىق بىرلەستىكتەر مەن باق وكىلدەرى ەندى. سونىمەن بىرگە پەتروپاۆل قالاسىندا جانە وبلىستىڭ 13 اۋدانىندا 141 اۋماقتىق كەڭەس قۇرىلدى. جالپى, كەڭەس قۇرامىنا 800-دەن استام ادام كىرەدى.
ولار سايلاۋالدى باعدارلامانىڭ وڭىرلىك دامۋ, ەكولوگيا, اگرارلىق سەكتور, ەكونوميكا جانە كاسىپكەرلىكتى قولداۋ, ۇلت دەنساۋلىعى, ءبىلىم جانە عىلىم, جۇمىسپەن قامتۋ جانە الەۋمەتتىك وسال توپتاردى قولداۋ, مادەنيەت, وتباسى, ايەلدەر جانە بالالاردىڭ قۇقىقتارىن قورعاۋ ماسەلەلەرى, جاستاردى قولداۋ باعىتتارى بويىنشا ىسكە اسىرىلۋىن باقىلاۋمەن اينالىساتىن بولادى. «Nur Otan» پارتياسى وڭىرلىك فيليالىنىڭ توراعاسى, سقو اكىمى قۇمار اقساقالوۆ كەڭەستەردىڭ جۇمىسى قوعامدىق پىكىردى جانە قوعامدىق قابىلداۋ بولمەلەرىنە كەلگەن ازاماتتاردىڭ وتىنىشتەرىن تالداۋدى ەسكەرە وتىرىپ, اشىق فورماتتا قۇرىلعانىن اتاپ ءوتتى.
«جىل سوڭىنا قاراي مەملەكەتتىك ورگانداردىڭ باسشىلارى سايلاۋالدى باعدارلامانى ىسكە اسىرۋ ماسەلەسى بويىنشا تىڭدالادى. سوندىقتان بارلىق كەڭەستەر جىل بويى بۇل ماسەلەنى قاتاڭ باقىلاۋى كەرەك. بىزدە 2021-2025 جىلدارعا ارنالعان كەشەندى جوسپار بار, ونىڭ اياسىندا ءسۇت فەرمالارى, بورداقىلاۋ الاڭدارى, قۇس فابريكالارى بولادى, ەلدىمەكەندەردە مەكتەپتەر, مەديتسينالىق وبەكتىلەر قايتا قۇرىلادى. 5 جىل ىشىندە 2 ملن شارشى مەتردەن استام تۇرعىن ءۇي سالىنادى, كوپ بەيىندى اۋرۋحانانىڭ قۇرىلىسى جالعاسادى. وڭىردە Nazarbayev University قاعيداتى بويىنشا جۇمىس ىستەيتىن جاڭا جوعارى وقۋ ورنى, 3 مىڭ ورىندىق ۇلكەن سپورت كەشەنى سالىنادى. كەڭەس مۇشەلەرىنىڭ جۇمىسى كوپ, سوندىقتان ءتيىستى باقىلاۋدى قامتاماسىز ەتۋ قاجەت», دەدى قۇمار اقساقالوۆ.
