الەم • 15 ءساۋىر، 2021

گرۋزيادا لوكداۋننىڭ ورنىنا مەملەكەتتىك دەمالىس جاريالاندى

37 رەت كورسەتىلدى

گرۋزيادا ءساۋىردىڭ 30-ىنان باستاپ مامىردىڭ 11-ىنە دەيىن مەملەكەتتىك دەمالىس جاريالاندى، دەپ حابارلايدى Egemen.kz «حابار 24» ارناسىنا سىلتەمە جاساپ.

شارا ادامداردىڭ ءجۇرىپ-تۇرۋىن شەكتەۋ ءۇشىن قابىلدانىپ وتىر. سەبەبى ەلدە ەپيداحۋال ناشارلاعان. ۇكىمەت شەكتەۋلەر ارقىلى كوروناۆيرۋس ىندەتىنىڭ ءۇشىنشى تولقىنىنا توسقاۋىل قويۋدى قالايدى. بيزنەسكە دە جان-جاقتى قولداۋ كورسەتۋگە نيەتتى. 

گرۋزيا ۇكىمەتى ىندەتتىڭ تارالۋىن توقتاتۋ ءۇشىن مامىر ايىنىڭ العاشقى بولىگىنە دەمالىس جاريالادى. ەكونوميكانى قۇتقارۋ ءۇشىن بارلىق شارالار قولعا الىنىپ جاتىر. بىراق ەلدە كوروناۆيرۋستى كۇنىنە 1 مىڭنان اسا ادام جۇقتىرىپ، ەپيدەميولوگيالىق احۋال ناشارلاعان. ماماندار ىندەتتىڭ ءۇشىنشى تولقىنى باستالعانىن ايتادى.

«سوڭعى ۋاقىتتا ەلدەگى ەپيدەميولوگيالىق جاعداي كۇرت ناشارلاپ كەتتى. ءبىز بۇل تۋرالى ەسكەرتكەنبىز. بىلتىرعى قاراشا، جەلتوقسان ايىنداعى احۋال قايتالانىپ، قاتاڭ شەكتەۋ ەنگىزىلگەنىن قالامايمىز. سوندىقتان ادامداردى بەتپەردە تاعىپ، قاۋىپسىزدىك شارالارىن ساقتاۋعا شاقىرامىن. توي-دۋمان سياقتى ءىس-شارالارعا بارۋدى قىسقارتۋ كەرەك. ۆاكتسينالاۋدى كۇشەيتۋ قاجەت»، دەيدى  گرۋزيا اۋرۋلاردى باقىلاۋ جونىندەگى ۇلتتىق ورتالىق باسشىسى اميران گامكرەليدزە.

گرۋزيادا قازىرگە دەيىن 22 مىڭ ادامعا ەكپە سالىنعان. دارىگەرلەر «جوسپاردان قالماۋ ءۇشىن كۇن سايىن 4 مىڭ ادامدى ۆاكتسينالاۋ كەرەك»، دەيدى. بىراق ولاردىڭ قاراسى ەكى ەسە از. بيزنەستىڭ جاندانۋى وسى ەكپە ناۋقانىنا تاۋەلدى. ەكونوميكا مينيسترلىگى ءتۋريزمدى دامىتۋدىڭ جاڭا جولدارىن قاراستىرىپ جاتىر.

«بىزدە جوسپار كوپ. اۋىل شاراۋشىلىعىنىڭ دا ءتۋريزمنىڭ دە دامۋى ءۇشىن بارلىق شارالاردى قولعا الىپ جاتىرمىز. ىندەتتەن كەيىن تۋريزمگە سۇرانىس ارتۋى مۇمكىن. وسىعان بايلانىستى اگروتۋريزم، ەكوتۋريزم سىندى جاڭا باعىتتاردى دامىتۋ ويدا بار»، دەيدى گرۋزيانىڭ ەكونوميكا ءمينيسترى ناتيا تۋرناۆا.

بىراق قازىر گرۋزيادا جاعداي قيىن. ەلدىڭ بارلىق ايماعىندا ۆيرۋس جۇقتىرعاندار قاراسى ارتقان. ۇكىمەت مامىر ايىنداعى دەمالىس ءتۇرىن، ادامداردىڭ ءجۇرىسىن شەكتەۋ جولدارىن تالقىلاپ جاتىر.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار