ءىس-شارا اياسىندا ايەلدەردى زورلىق-زومبىلىقتان قورعاۋ بولىمشەسىنىڭ قىزمەتكەرلەرى «Mega Silk Way» سوو-دا قالا تۇرعىندارى مەن قوناقتارى اراسىندا ءتۇسىندىرۋ جۇمىستارىن جۇرگىزدى. سونىمەن قاتار ولار نەكە مەن وتباسىن ساقتاۋ, سونداي-اق ەرلى-زايىپتىلار اراسىنداعى قارىم-قاتىناستاردى تۇزەتۋ جانە كامەلەتكە تولماعان بالالاردى تاربيەلەۋ جونىندەگى اتا-انا مىندەتتەرىن تيىسىنشە ورىنداۋ ماسەلەلەرىندە قۇقىقتىق, پسيحولوگيالىق كومەك كورسەتتى.
ازاماتتارعا ايەلدەر مەن بالالارعا قاتىستى زورلىق-زومبىلىق جانە كەمسىتۋشىلىك ماسەلەلەرى بويىنشا جانە تۇرمىستىق زورلىق-زومبىلىق قۇرباندارىنىڭ ءىس-قيمىل الگوريتمىن ءتۇسىندىرۋ بويىنشا بروشيۋرالار مەن بۋكلەتتەر تاراتىلدى.
«نۇر-سۇلتان قالاسىنىڭ پوليتسيا دەپارتامەنتى «زورلىق-زومبىلىقسىز ءۇي» اتتى اكتسياسىن وتكىزىپ جاتىر. بۇل اكتسيانىڭ ماقساتى وتباسىلىق قۇندىلىقتاردى ناسيحاتتاۋ جانە ادام قۇقىقتارىن قۇرمەتتەۋ بولىپ سانالادى. وتباسى — قوعامنىڭ ۇياشىعى. ال باقىتتى وتباسى — باقىتتى ەل. قۇرمەتتى ايەلدەر قاۋىمى, ەگەر ءسىز تۇرمىستىق زورلىق-زومبىلىققا ۇشىراعان بولساڭىز, بۇل تۋرالى دەرەۋ «102» ارناسىنا نەمەسە نۇر-سۇلتان قالاسى پوليتسيا دەپارتامەنتىنىڭ ايەلدەردى زورلىق-زومبىلىقتان قورعاۋ جونىندەگى بولىمشەسىنىڭ سەنىم تەلەفونىنا 71 60 63 حابارلاۋىڭىزدى سۇرايمىز. سىزگە ءتيىستى كومەك كورسەتىلەدى», دەپ اتاپ ءوتتى پوليتسيا دەپارتامەنتىنىڭ ايەلدەردى زورلىق-زومبىلىقتان قورعاۋ توبىنىڭ اعا ينسپەكتورى پوليتسيا مايورى گۇلميرا شىراحمەتوۆا.
