سونداي-اق تاۋەكەلى جوعارى ايماقتا («قىزىل ايماقتا») 8 ءوڭىر بار: نۇر-سۇلتان جانە الماتى قالالارى, اتىراۋ, باتىس قازاقستان, الماتى, اقمولا, قاراعاندى جانە اقتوبە وبلىستارى.
بۇل رەتتە الماتى جانە نۇر-سۇلتان قالالارى قىزىل ايماقتا ءبىر ايدان بەرى بار, باتىس قازاقستان وبلىسى - 24 كۇن, اتىراۋ وبلىسى – 3 اپتا, اقتوبە جانە الماتى قالالارى – 2 اپتا, اقمولا – 9 كۇن, قاراعاندى – 8 كۇن. ورتاشا تاۋەكەل ايماعىنا («سارى ايماققا») وتكەن اپتادا 4 ءوڭىر اۋىستى, بۇگىندە 7 ءوڭىر سارى ايماقتا: شىمكەنت قالاسى, سولتۇستىك قازاقستان, جامبىل, ماڭعىستاۋ, قىزىلوردا, قوستاناي, پاۆلودار وبلىستارى. «جاسىل ايماقتا» - تۇركىستان, شىعىس قازاقستان وبلىستارى.
«اعىمداعى جىلدىڭ ءساۋىر ايىندا ەپيدەميولوگيالىق جاعدايدىڭ ناشارلاعانى بايقالادى. ءساۋىر ايىنان باستاپ 29 200 ناۋقاس تىركەلدى. ناۋرىزدىڭ سايكەس مەرزىمىمەن سالىستىرعاندا سىرقاتتانعاندار 2,8 ەسەگە وسكەن, تاۋلىگىنە 2800 ناۋقاس تىركەلەدى. قوستاناي, سولتۇستىك قازاقستان جانە پاۆلودار وبلىستارىن قوسپاعاندا, بارلىق وڭىرلەردە سىرقاتتانۋدىڭ ارتقانى بايقالادى. بۇل رەتتە ەل بويىنشا سىرقاتتانۋدىڭ 60%-ى 3 وڭىرگە – نۇر-سۇلتان جانە الماتى قالالارى مەن الماتى وبلىسىنا تيەسىلى», دەدى م.شورانوۆ
