ەلشىنىڭ ايتۋىنشا, بۇگىندە نيدەرلاندى كورولدىگىنىڭ قازاقستانداعى ەڭ ءىرى ينۆەستورى. بۇل رەتتە ينۆەستيتسيالاردىڭ باسىم بولىگى كاسپي تەڭىزىندەگى جانە ونىڭ اينالاسىنداعى مۇناي-گاز سەكتورىنا باعىتتالعان. الايدا, مارتەبەلى قوناقتىڭ ايتۋىنشا, سوڭعى ۋاقىتتا اۋىل شارۋاشىلىعى مەن جاسىل ەكونوميكاعا ينۆەستيتسيالاردىڭ ءوسۋى بايقالادى.
سونداي-اق, ەلشى قازاقستاننىڭ سىبايلاس جەمقورلىققا قارسى ءىس-قيمىلداعى جەتىستىكتەرىنە توقتالدى. ەستەرىڭىزگە سالا كەتەيىك, Transparency International-ءدىڭ 2020 جىلداعى سىبايلاس جەمقورلىقتى قابىلداۋ يندەكسىندە قازاقستان 19 پوزيتسياعا كوتەرىلىپ, العاش رەت 38 بالل جينادى.
ا.كارستەنستىڭ ايتۋىنشا, قازاقستان العا زور قادام جاسادى جانە سىبايلاس جەمقورلىققا قارسى ءىس-قيمىل اگەنتتىگىنىڭ بۇل جەتىستىكتە ماڭىزدى ءرول اتقارعانىنا كۇمان جوق.
سونىمەن قاتار, ول جۇرگىزىلىپ جاتقان جۇمىستى ودان ءارى جاقسارتۋ ماقساتىندا سىبايلاس جەمقورلىققا قارسى زاڭنامانى جەتىلدىرۋ جانە ازاماتتىق قوعاممەن تىعىز ىنتىماقتاستىق ورناتۋ قاجەتتىگىن اتاپ ءوتتى.
وسى تۇرعىدا سپيكەر «قازاقستانداعى سىبايلاس جەمقورلىققا قارسى ءتيىمدى الدىن الۋ شارالارى» جوباسىن ىسكە اسىرۋ اياسىندا 2018 جىلدان باستاپ ەلشىلىكتىڭ سىبايلاس جەمقورلىققا قارسى قىزمەتپەن ىنتىماقتاستىعىنىڭ وڭ تاجىريبەسىن اتاپ ءوتتى.
ونىڭ ايتۋىنشا, وسى ۋاقىت ىشىندە بىرەگەي اقپاراتتىق رەسۋرستار – «ساراپتاما» باعدارلامالىق جاساقتاماسى جانە «اشىق بيۋدجەتتەردىڭ ينتەراكتيۆتى كارتاسى» جاسالدى.
ەلشىنىڭ پىكىرىنشە, مۇنداي ونىمدەر ازاماتتارعا مەملەكەتتىك شىعىندار تۋرالى اقپارات اشا وتىرىپ, ولاردىڭ ءومىر ءسۇرۋ ساپاسىن جاقسارتادى.
بۇل ءوز كەزەگىندە ازاماتتىق قوعام مەن بيلىك اراسىنداعى ديالوگتى جانە ءوزارا سەنىمدى نىعايتا تۇسەدى.
