اقپاراتتىق اگەنتتىكتىڭ مالىمەتىنشە, ا.شپەكباەۆ ەلدەگى سىبايلاس جەمقورلىقتى جويۋعا باعىتتالعان بارلىق باستامالارى ءۇشىن وسىنداي وڭ باعاعا يە بولدى. ازاماتتاردىڭ داۋىس بەرۋ ناتيجەسىنە سايكەس, انتيكور باسشىسىنىڭ قالالىق, اۋداندىق جانە اۋىلدىق اكىمدىكتەردى سەرۆيستىك جۇمىس ۇلگىسىنە كوشىرۋ, «open space» فورماتىن جاپپاي ەنگىزۋ جانە پارا بەرۋ ۇسىنىسىن كريميناليزاتسيالاۋ سەكىلدى جارقىن باستامالارى قولداۋ تاپقان ەكەن.
بۇل – مەملەكەتتىك ورگانداردىڭ جۇمىسىن اشىقتىق, قولجەتىمدىلىك جانە ەسەپتىلىك قاعيداتتارى ارقىلى ترانسفورماتسيالاۋعا باعىتتالعان اگەنتتىك توراعاسىنىڭ يدەيالارىنىڭ ازاماتتار اراسىندا كەڭ قولداۋ تاپقانىن ايعاقتايدى.
ۇستىمىزدەگى جىلدىڭ 18 اقپانىنان 13 ساۋىرىنە دەيىن ەكى اي بويى جۇرگىزىلگەن NUR.KZ-ءتىڭ «حالىق داۋىسى 2021» ونلاين-داۋىس بەرۋ بارىسىندا پورتال وقىرماندارى ەل تىزگىنىن ۇستاعان باسشىلاردىڭ قىزمەتى مەن رەسپۋبليكالىق جانە وبلىستىق ماڭىزى بار قالالاردىڭ دامۋىنا باعا بەردى. وعان ەلىمىزدىڭ كەز-كەلگەن تۇرعىنىنىڭ قاتىسۋ مۇمكىندىگى بولدى.
