وقىتۋ «Beyond Curriculum» قوعامدىق قورىنىڭ ونلاين-مەكتەبى بازاسىندا وتۋدە.⠀
– كىشكەنتاي كەزىمنەن باستاپ مەنى قۇراستىرۋ يدەياسى قىزىقتىردى, سوندىقتان نازارباەۆ زياتكەرلىك مەكتەبىنىڭ قابىرعاسىندا روبوت-تەحنيكا ۇيىرمەسىنە جازىلدىم. ءبىزدىڭ جوبالارىمىز حالىقارالىق ارەنادا, دۇنيەجۇزىلىك WRO روبوتتار وليمپياداسىندا ۇسىنىلادى دەپ ءتىپتى ەلەستەتە المادىم. جەڭىستەر از بولعان جوق, ەندى مەن روبوت-تەحنيكانى وقىعىسى كەلەتىندەردىڭ بارلىعىنا كومەكتەسۋ ءۇشىن جاڭا ماقسات قويىپ وتىرمىن, – دەيدى دانيل فيليمونوۆ.
دانيل فيليمونوۆ – World Robot Olympiad 2019 حالىقارالىق كەزەڭىندە «Open Senior» ساناتىندا ءۇشىنشى ورىن, سونداي-اق روبوت-تەحنيكا بويىنشا رەسپۋبليكالىق وليمپيادانىڭ التىن مەدالدارىنىڭ (2018, 2019), عارىشتىق زەرتتەۋلەر بويىنشا حالىقارالىق جارىستىڭ ءبىرىنشى دارەجەلى ديپلومىنىڭ (2019), «عارىش. عىلىم. ينتەللەكت» ناۋرىز كەزدەسۋلەرىنىڭ ەكىنشى دارەجەلى ديپلومىنىڭ (2019) يەگەرى. ⠀
دانيل ءوز توبىمەن بىرگە روبوت-تەحنيكا بويىنشا 10-نان استام تەگىن ونلاين كۋرستارىن, 25 ساعاتتىق ساباقتاردى, 6 ۆەبيناردى ازىرلەدى, سونداي-اق, كورنەلل جانە ميچيگان ۋنيۆەرسيتەتتەرىنىڭ جۇزدەگەن قوسىمشا ماتەريالدارىن دايىندادى.⠀
وقىتۋ كەز-كەلگەن دايىندىق دەڭگەيى بار قاتىسۋشىلارعا ارنالعان: روبوت-تەحنيكا نەگىزدەرىنەن باستاپ نەيروندىق جەلىلەرگە دەيىن, پراكتيكادا قۇرالدارمەن جۇمىس ىستەۋ ءۇشىن, ءتىپتى وقىتۋشىلارعا ارنالعان ماتەريالداردى دا قامتيدى. سونداي-اق پلاتفورمادا پروگرەستى باقىلاۋعا ارنالعان ءۇي تاپسىرمالارى مەن تەستتەر بار. ماتەريالدار قازاق جانە ورىس تىلدەرىندە دە قولجەتىمدى.⠀
كۋرس نەگىزىن قالاۋشى انتون مورگۋنوۆ بولىپ تابىلاتىن «Beyond Curriculum» قوعامدىق قورىنىڭ قولداۋىمەن قۇرىلدى. انتون – تالدىقورعان قالاسىنداعى نازارباەۆ زياتكەرلىك مەكتەبىنىڭ 2017 جىلعى تۇلەگى, حيميا پانىنەن حالىقارالىق جانە رەسپۋبليكالىق وليمپيادالاردىڭ بىرنەشە دۇركىن جەڭىمپازى جانە جۇلدەگەرى, بۇگىندە MIT (ماسساچۋسەتس تەحنولوگيالىق ينستيتۋتى) حيميا جانە بيولوگيا فاكۋلتەتىنىڭ ستۋدەنتى.⠀
Beyond Curriculum – ماتەماتيكا, فيزيكا, حيميا, بيولوگيا, گەوگرافيا پاندەرىنەن تەگىن ءبىلىم الۋعا مۇمكىندىك بەرەتىن ءبىلىم بەرۋ پلاتفورماسى.⠀
– ءبىزدىڭ كوماندا «Beyond Robotics» تەگىن جوباسىنىڭ كومەگىمەن روبوت-تەحنيكاعا قوسىلعىسى كەلەتىندەردىڭ بارلىعىنا مۇمكىندىك بەرۋدى كوزدەيدى. قازىرگى ۋاقىتتا 100-دەن استام وقۋشى ءبىلىم الۋدا, سەن دە قوسىل. روبوتتار الەمىنە قوش كەلدىڭىزدەر!, – دەپ «Beyond Curriculum» قوعامدىق قورى «روبوت-تەحنيكا» ءبولىمىنىڭ باسشىسى دانيل فيليمونوۆ قوسىلۋعا شاقىردى.⠀
«Beyond Robotics» بويىنشا وقۋدى باستاۋ ءۇشىن ونلاين-مەكتەپتە تىركەلۋ جەتكىلىكتى https://school.bc-pf.org/ جانە سىلتەمەگە ءوتىپ, كاتالوگتان روبوت-تەحنيكا https://robotics.bc-pf.org/ كۋرسىن قوسۋ قاجەت.⠀
