ستاتيستيكا دەرەكتەرى بويىنشا قازاقستاندا شامامەن 43,6 ملن باس قۇس بار. ولاردىڭ 11,8 ملن-عا جۋىعى جەكە ازاماتتاردىڭ قولىندا بولسا, قالعانى سىرتقى ورتامەن بايلانىسى جوق قۇس فابريكالارىندا باعىلىپ جاتىر.
11,8 ملن قۇسقا جىل سايىن ءتيىستى قارجى ءبولىنىپ, ۆاكتسينا سالىنادى. ياعني, اۋرۋدىڭ الدىن الۋ ءىس-شارالارى ۋاقىتىندا جۇرگىزىلەدى.
اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى جوعارى پاتوگەندى قۇس تۇماۋى تاراپ كەتپەۋى ءۇشىن مونيتورينگتىك باقىلاۋ جۇرگىزىپ وتىرادى.
سونداي-اق ۆەتەرينارلىق قىزمەت كورشى مەملەكەتتەردەگى ەپيزووتيالىق جاعدايدى مۇقيات قاداعالايدى جانە ول جاقتا جانۋارلار اۋرۋىنىڭ وشاقتارى پايدا بولعان جاعدايدا جەدەل شارالار قابىلدايدى.
قازىرگى ۋاقىتتا قازاقستاندا جانۋارلار اۋرۋلارىنىڭ 45 ءتۇرى بويىنشا ەپيزووتيالىق جاعداي تۇراقتى. ال 23 ءتۇرى بويىنشا دياگنوستيكا جانە ۆاكتسينا سالۋ ارنايى ۆەتەريناريالىق-پروفيلاكتيكالىق ءىس-شارالار جۇرگىزىلۋدە.
اتاپ ايتقاندا, جانۋارلار مەن قۇستاردى ۆاكتسينالاۋ بويىنشا 151 ميلليوننان استام مانيپۋلياتسيا, سونداي-اق 68 ميلليوننان استام دياگنوستيكالىق زەرتتەۋلەر جۇرگىزۋ جوسپارلانۋدا.
