پرەزيدەنت • 13 ءساۋىر، 2021

اسەت ەرعاليەۆ پرەزيدەنتكە ەسەپ بەردى

30 رەت كورسەتىلدى

مەملەكەت باسشىسىنا بيىلعى ءى توقسانداعى ەلىمىزدىڭ ەكونوميكالىق دامۋىنىڭ الدىن الا قورىتىندىلارى، ەكونوميكالىق ءوسىمدى قالپىنا كەلتىرۋدىڭ كەشەندى جوسپارىنىڭ ىسكە اسىرىلۋى تۋرالى ەسەپ بەرىلدى.

پرەزيدەنتكە ەكونوميكانىڭ ناقتى سەكتورىنداعى احۋال جانە جالپى ىشكى ونىمگە قاتىستى بولجامدار جونىندە باياندالدى. اسەت ەرعاليەۆ قاسىم-جومارت توقاەۆقا ورتامەرزىمدى پەرسپەكتيۆاداعى ەكونوميكانىڭ ساپالى ءارى ورنىقتى دامۋىن قامتاماسىز ەتۋدىڭ نەگىزگى جولدارىن ۇسىندى.

سونىمەن قاتار مينيستر شاعىن جانە ورتا بيزنەستى قولداۋ جونىندەگى پرەزيدەنت تاپسىرماسىنىڭ ورىندالۋى تۋرالى باياندادى.

كەزدەسۋ بارىسىندا ماكروەكونوميكالىق تۇراقتىلىقتى جانە وڭىرلىك دامۋدىڭ تەپە-تەڭدىگىن قامتاماسىز ەتۋ جونىندەگى شارالارعا باسا ءمان بەرىلدى.

كەزدەسۋ سوڭىندا مەملەكەت باسشىسى مينيسترگە بيۋدجەت ساياساتىنىڭ تيىمدىلىگىن ارتتىرۋعا، وڭىرلىك ساياساتتى جەتىلدىرۋگە جانە وڭدەۋ ونەركاسىبىن دامىتۋعا باعىتتالعان بىرقاتار ناقتى تاپسىرما بەردى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار