41 جاستاعى ەدۋارد سۋلاكوۆ اسا قاتىگەزدىكپەن ەكى ادام ولتىرگەنى ءۇشىن كولونيادا 20 جىل وتكىزىپ, 2020 جىلدىڭ مامىر ايىندا عانا بوساتىلعان ەدى. الايدا بۇل ارەكەتىنەن ساباق الماعان ول بىلتىر تامىز ايىندا تاعى دا قوناقتا بولىپ, ءۇي يەلەرىمەن بىرگە الكوگولدىك ىشىمدىك ىشكەن.
ىشىمدىكتىڭ سوڭى جانجالعا ۇلاسىپ, سۋلاكوۆ ءۇي يەسىن كەۋدەسىنەن پىشاقپەن بىرنەشە رەت سۇققىلاعان. بيسەندين العان جاراقاتتارىنىڭ سالدارىنان, وقيعا ورنىندا ءتىل تارتپاستان قايتىس بولدى. مۇنى كورگەن بيسەنديننىڭ ايەلىن باسقا بولمەگە الىپ كەتىپ, ءزابىر كورسەتكەن. ارتىنشا ايەلدىڭ دە موينىن بىرنەشە رەت پىشىقپان ءتىلىپ تاستاعان.
رۋدنىيدا ەرلى-زايىپتىنىڭ ءومىرىن قيعان ەر ادامدى ىزدەستىرۋدە ارنايى جەدەل تەرگەۋ توبى جۇمىس ىستەدى. كۇدىكتى ەكى كۇن بويى ىزدەستىرىلىپ, 20 تامىزدا جەدەل قىزمەتكەرلەردەن جاسىرىنۋعا تىرىسىپ, ولارعا قارسىلىق كورسەتكەنىنە قاراماستان قاماۋعا الىندى.
سوت ۇكىمى بويىنشا قانشەر بيسەندين مەن ونىڭ ايەلى چەرنىشتى ولتىرگەنى ءۇشىن ءومىر بويى باس بوستاندىعىنان ايىرىلدى. ەندى ول الداعى ءومىرىن جەدەل قاۋىپسىزدىك كولونياسىندا وتەيتىن بولادى.
رابيعا مۇرات
