– سوندا بۇل قاي كەزدەگى, قاي جەردەگى كونتسەرت ەدى؟
– ايتايىن. 2006 جىلدىڭ مامىر ايى. الماتى وبلىسىنىڭ قاسكەلەڭ قالاسىنداعى قاراساي اۋداندىق مادەنيەت ءۇيى. قازاقتىڭ ۇلى ءانشىسى, حالىق قاھارمانى, مارقۇم روزا باعلانوۆا جەكە كونتسەرتىن بەرگەن.سونداعى جينالعان ەلدىڭ كوپتىگى-اي, زالدا ينە شانشار ورىن جوق, تۇرەگەلىپ تۇرعاندار دا از ەمەس ەدى. حالىقتىڭ سۇيىكتى انشىگە, ونىڭ ونەرىنە دەگەن شىن ماحابباتىنا, شىنايى قۇرمەت-سىيىنا كۋا بولدىم مەن سول كەزدە. كۋا بولىپ قانا قويماي قىزمەتتىك مىندەتىمە ساي (اۋداندىق «زامان جارشىسى» گازەتىنىڭ رەداكتسياسىنا ءفوتوتىلشى بولىپ ورنالاسقانىما ءبىر-ەكى جىل وتكەن) ول كىسىنى بىرنەشە رەت سۋرەتكە دە ءتۇسىردىم.
– ال, مىنا سۋرەتتە روزا تاجىبايقىزىمەن ءوزىڭ قاتار تۇرسىڭ عوي...
– ءيا, ونىڭ ءمان-ءمانىسى بىلاي. كونتسەرت اياقتالعاننان كەيىن ەل الدىنا شىعۋعا دايىندالاتىن بولمەسىنە كەلىپ: «روزا اپا, مەن دە سىزبەن سۋرەتكە تۇسەيىنشى» دەدىم ۇيالسام دا باتىلىم جەتىپ. الدىندا سۋرەتكە ءتۇسىرىپ جۇرگەن مەنى جاقسى بايقاپ قالعان بولۋى كەرەك, جايدارىلانا ك ۇلىپ: «كەل, كەلە عوي, اينالايىن!» دەگەنى. سونداعى قاتتى قۋانعانىم-اي! مىناۋ سول سۋرەت ەدى. بۇل – مەنىڭ ەڭ قىمبات قازىنامنىڭ بىرىندەي, سوندىقتان ءۇيىمنىڭ تورىندە ءىلۋلى تۇر.
ەرلان بولات ۇلى الياسقاروۆ ءالى كۇنگە دەيىن اتالعان اۋداندىق گازەتتە ىستەيدى, وبلىستاعى مىقتى ءفوتوتىلشىنىڭ ءبىرى. قازاقستان جۋرناليستەر وداعىنىڭ مۇشەسى, اقپارات جانە قوعامدىق دامۋ مينيسترلىگى قۇرمەت گراموتاسىنىڭ يەگەرى. 2020 جىلى الماتى وبلىسى اكىمىنىڭ «سامعاۋ» جۋرناليستەر بايقاۋىنىڭ «ەڭ ۇزدىك ءفوتوتىلشى» اتالىمى بويىنشا باس جۇلدەنى جەڭىپ العان.
بەرىكباي قادىقوۆ,
جۋرناليست
الماتى وبلىسى,
قاراساي اۋدانى
