جەلەزين اۋداندىق سوتى ءباسپاسوز قىزمەتىنىڭ مالىمدەۋىنشە, سوت ماتەريالى بويىنشا ەر ادام وسى جىلدىڭ اقپان ايىندا رەسەي فەدەراتسياسىنىڭ يركۋتسك قالاسىنا شىعۋ ماقساتىندا جامبىل وبلىسىندا زاڭسىز جولمەن وزىنە جاساندى جۇرگىزۋشى كۋالىگىن جاساتىپ العان.
«2021 جىلدىڭ 17 اقپانىندا «داف» ماركالى اۆتوكولىكپەن ەكىنشى جۇرگىزۋشى رەتىندە جەلەزين اۋدانىنداعى «ۇرلىتوبە» شەكارا بەكەتىنە دەيىن جەتكەن. قازاقستان رەسپۋبليكاسىنىڭ مەملەكەتتىك شەكاراسىنان وتەر كەزدە شەكارا قىزمەتكەرلەرىنە جاساندى جۇرگىزۋشى كۋالىگىن كورسەتكەن», دەدى ءباسپاسوز قىزمەتىندە.
سوتقا دەيىنگى تەرگەۋ بارىسىندا سوتتالۋشى ءىستى دالەلدەمەلەردى زەرتتەمەي, بۇيرىقتىق ءىس جۇرگىزۋ ارقىلى قاراۋ تۋرالى ءوتىنىش ءبىلدىردى.
سوت ۇكىمىمەن ا. قىلمىستىق كودەكستىڭ 385-بابى, 3-ءبولىمى بويىنشا كىنالى دەپ تانىلدى جانە 29170 تەڭگە ايىپپۇل رەتىندە جازا تاعايىندالدى.
ۇكىم زاڭدى كۇشىنە ەنگەن جوق.
