وبلىس اۋماعىندا تابيعات قورعاۋ زاڭنامالارىن بۇزۋدى انىقتاۋ, الدىن الۋ جۇمىستارىن جانداندىرۋ ماقساتىندا ارنايى ەكى موبيلدىك توپ قۇرىلدى. ولار وبلىس اۋماعىنا ىسساپارلارعا شىعىپ, مۇددەلى مەكەمە قىزمەتكەرلەرىمەن بىرلەسكەن رەيدتىك شارالار ۇيىمداستىردى. وسى جۇمىستار ناتيجەسىندە تابيعاتتى قورعاۋ زاڭنامالارىن بۇزعانى ءۇشىن ەكى قىلمىس, 31 اكىمشىلىك قۇقىق بۇزۋشىلىق انىقتالىپ, 200 مىڭ تەڭگەدەن استام ايىپپۇل سالىندى. زاڭسىز بالىق اۋلاۋ بويىنشا ەكى قىلمىستى اتاپ وتسەك: ونىڭ بىرىندە سىرداريا وزەنىندە ۇرمەلى قايىقپەن, زاڭمەن تىيىم سالىنعان ەلەكتر توعىن پايدالانىپ, بالىق اۋلاپ وتىرعان جەرىنەن ەكى ەر ادام ۇستالدى. قۇقىق بۇزۋشىلاردان بالىق اۋلاۋعا ارنالعان قۇرالدارمەن قاتار, 94 كەلىدەن استام سازان بالىعى تاركىلەندى. سونداي-اق كۇدىكتى ازاماتتار ماقتاارالدىق تۇرعىندار بولىپ شىقتى. پوليتسيا قىزمەتكەرلەرى كۇدىكتىلەردى ءىستىڭ بارلىق ءمان-جايىن انىقتاۋ ءۇشىن اۋداندىق پوليتسيا بولىمىنە جەتكىزدى.
ەكىنشى جايتتا شاردارا سۋ قويماسىندا اۋ-تور پايدالانىپ, تەمىر قايىقپەن زاڭسىز بالىق اۋلاۋشىلار ۇستالدى. ولاردان ايعاقتى زات رەتىندە 200 كەلىگە جۋىق بالىقتار تاركىلەندى. قۇقىق بۇزۋشىلار شاردارا اپب-عا جەتكىزىلدى. اتالعان جايت قر قك-ءنىڭ 335-بابىمەن تىركەۋگە الىندى.
تۇركىستان وبلىسىنىڭ پوليتسەيلەرى ازاماتتارعا زاڭسىز بالىق اۋلاۋ, سونداي-اق قىزىل كىتاپقا ەنگىزىلگەن جانۋارلار مەن وسىمدىكتەردى جويۋدىڭ سوڭى زاڭ اياسىندا جاۋاپقا تارتىلۋعا اكەپ سوعاتىنىن ەسكە سالدى.
