سپورت • 12 ءساۋىر، 2021

«شىمكەنت جاستار ليگاسى» جوباسى ءوتىپ جاتىر

59 رەت كورسەتىلدى

بۇگىندە ەلىمىزدە بۇقارالىق سپورتقا كەڭىنەن كوڭىل ءبولىنىپ كەلە جاتىر. كەيىنگى  جىلدارداعى قازاقستاندىق سپورتشىلاردىڭ حالىقارالىق ارەنادا اتوي سالىپ جۇرگەنى بۇعان دالەل بولا الادى، دەپ حابارلايدى Egemen.kz

ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ ۇنەمى ءوز جولداۋلارىندا بۇقارالىق سپورتقا ەرەكشە كوڭىل ءبولۋ كەرەكتىگىن ۇنەمى ايتىپ كەلەدى.

ماسەلەن، مەملەكەت باسشىسى وتكەن جىلعى قازاقستان حالقىنا جولداۋىندا: «حالىقتىڭ دەنساۋلىعىن جاقسارتۋ ماسەلەسى ايرىقشا نازار اۋدارۋدى تالاپ ەتەدى. بارلىق جاستاعى ەل ازاماتتارى اراسىندا بۇقارالىق سپورتتى دامىتۋ ماڭىزدى. سپورت ينفراقۇرىلىمدارىنىڭ بالالار ءۇشىن بارىنشا قولجەتىمدى بولۋىن قامتاماسىز ەتۋ كەرەك. بۇقارالىق دەنە شىنىقتىرۋدى وركەندەتۋ ءىسى جاڭا چەمپيوندار شىڭىنا شىعاتىن پيراميداعا اينالۋى ءتيىس. بۇل سالاۋاتتى ءارى بەلسەندى جاستاردىڭ، تۇپتەپ كەلگەندە، قۋاتتى ۇلتتىڭ نەگىزىن قالىپتاستىرادى»، دەپ اتاپ وتكەن ەدى.

پرەزيدەنتتىڭ بۇل تاپسىرماسىن نەگىزگە الا وتىرىپ شىمكەنت قالاسى اكىمدىگى ناۋرىز ايىنىن باستاپ مەكتەپ وقۋشىلارى اراسىندا بۇقارالىق سپورتتان «شىمكەنت جاستار ليگاسى» جوباسى قولعا الدى. ماقسات – مەكتەپ وقۋشىلارىنىڭ بوس ۋاقىتىن ءتيىمدى پايدالانىپ، سپورتپەن شۇعىلدانۋ ارقىلى ولاردىڭ ەرىك پەن تاباندىلىعىن قالىپتاستىرۋ جانە قازاقستان رەسپۋبليكاسىنىڭ چەمپيوناتتارىنا كوماندا جاساقتاۋ.

1

جوبا ەكى كەزەڭگە ءبولىنىپ ۇيىمداستىرىلادى. العاشقى كەزەڭدە، ياعني ناۋرىز-مامىر ارالىعىنا جوسپارلانعان سايىستارعا جالپى ءبىلىم بەرۋ مەكەمەلەرىنىڭ وقۋشىلارى، ال ءىى-كەزەڭدە جوعارى جانە ورتا ارناۋلى وقۋ ورىندارىنىڭ سپورتشىلارى سىنعا تۇسەدى. بۇل كەزەڭ قىرقۇيەك جانە قاراشا ايلارىندا وتەدى.

بۇگىنگى تاڭدا مەكتەپ كوماندالارى اراسىندا جەرەبە تاستالىپ ويىن كەستەسى ءتۇزىلىپ، سوعان سايكەس كوماندالار ءوزارا كىل مىقتىنى انىقتاپ جاتىر.

جالپى اتالعان جوباعا قاتىسۋعا شىمكەنت قالاسى بويىنشا 4 سپورت تۇرىنەن 140 مەكتەپتەن 536 كوماندا (8 569 جاس) ءوتىنىم بەرگەن. ولار سپورتتىڭ فۋتبول (ۇلدار اراسىندا)، باسكەتبول (ۇلدار اراسىندا)، ۆولەيبول (قىزدار اراسىندا) جانە شاحمات (ۇلدار، قىزدار اراسىندا) تۇرىنەن سايىسقا تۇسۋدە.

ەرەجەگە سايكەس، ءار اۋداندا اۋدان ارالىق اينالىم بويىنشا ويىن ويناتىلادى.

اۋداننان 4 كوماندا شيرەك فينالعا جولداما الادى. شيرەك فينالعا شىققان جەڭىمپاز كوماندالار شىعىپ، ودان جەڭگەن كوماندا فينالعا جولداما الادى. ال جارىستىڭ قورىتىندىسى بويىنشا سپورت تۇرلەرىنەن ءى، ءىى،  ءىىى ورىن العان كوماندالار ديپلوم، مەدال جانە باعالى سىيلىقتارمەن ماراپاتتالادى.

سونىمەن قاتار، سپورت تۇرلەرىنەن «ۇزدىك قاقپاشى»، «ۇزدىك قورعاۋشى»، «ۇزدىك ويىنشى»، «ۇزدىك جەتەكشى»، «ۇزدىك  جانكۇيەر»، «ۇزدىك فان-كلۋبى» «ۇزدىك تاربيەشى»، «ۇزدىك ءبىلىم بەرۋ مەكەمەسى» نوميناتسيالارىنىڭ جەڭىمپازدارىنا ديپلومدار مەن باعالى سىيلىقتار تابىستالادى.

قازىرگى كۇنى  «باسكەتبول» بويىنشا 8 كوماندا (№23، 33، 42، 1، 29، 45، 8  جانە №2 «دارىن» مەكتەپتەرى)، «ۆولەيبول» بويىنشا 4 كوماندا (№89، 131، 68، 113 مەكتەپتەرى) فينالعا جولداما الدى.

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار