ايماقتار • 12 ءساۋىر، 2021

ەكى وبلىس اكىمىنىڭ ورىنباسارلارى قاتاڭ سوگىس الدى

831 رەت كورسەتىلدى

الەۋمەتتىك ماڭىزى بار تاۋارلار باعاسىنىڭ وسۋىنە جول بەرگەنى ءۇشىن اتىراۋ جانە جامبىل وبلىستارى اكىمدەرىنىڭ جاۋاپتى ورىنباسارلارىنا قاتاڭ سوگىس جاريالانادى، دەپ حابارلايدى Egemen.kz

ساۋدا جانە ينتەگراتسيا ءمينيسترى باقىت سۇلتانوۆتىڭ ايتۋىنشا، 2021 جىلدىڭ باسىنان بەرى رەسپۋبليكادا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسى 3،2%-عا ءوستى. بۇل رەتتە 2020 جىلدىڭ سايكەس كەزەڭىمەن سالىستىرعاندا ءوسىم 4،8%-دى عانا قۇراعان. ال سونىڭ ىشىندە كارانتيندىك دۇرلىكپە سالدارىنان ناۋرىز ايىندا 4،1 پايىزدى كورسەتتى.

سونىمەن قاتار كەي وڭىرلەردە ءالى كۇنگە دەيىن جوعارى ءوسىم بايقالادى. اتاپ ايتقاندا، ەڭ كوپ ءوسىم جامبىل وبلىسىندا – 4،2%-عا جانە اتىراۋ وبلىسىندا – 3،8%-عا ارتقان. وسىعان بايلانىستى ساۋدا جانە ينتەگراتسيا مينيسترلىگىنىڭ باسشىسى باعانىڭ بارىنشا وسۋىنە جول بەرگەن اكىمدەردىڭ جەتەكشىلىك ەتەتىن ورىنباسارلارىنا تارتىپتىك شارالار قولدانۋدى ۇسىندى.

پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ اتىراۋ مەن جامبىل وبلىستارىندا الەۋمەتتىك ماڭىزى بار ازىق-ت ۇلىك باعاسى قىمباتتاپ كەتكەنىن ايتىپ، ءوڭىر باسشىلارىنىڭ جاۋاپتى ورىنباسارلارىنا قاتاڭ سوگىس بەرۋدى سۇرادى. وسى ورايدا ۇكىمەت باسشىسى ءبىرىنشى ۆيتسە-پرەمەردىڭ ۇسىنىسىن قولدادى.

ء«بىرىنشى توقساندا الەۋمەتتىك ماڭىزى بار ازىق-ت ۇلىك تاۋارلارىنىڭ ءوسۋىنىڭ ەڭ جوعارعى دەڭگەيى اتىراۋ جانە جامبىل وبلىستارىندا تىركەلدى. وسىعان بايلانىستى، وسى جۇمىسقا جاۋاپتى اتىراۋ وبلىسى اكىمىنىڭ ورىنباسارى قايرات ەسقابىل ۇلى نۇرلىباەۆقا جانە جامبىل وبلىسىنىڭ اكىمىنىڭ ورىنباسارى بەرىك بولات ۇلى نىعماشەۆقا قاتاڭ سوگىس بەرۋدى ءتيىستى وبلىس اكىمدەرىنە تاپسىرۋدى سۇرايمىن»، دەدى ءاليحان سمايىلوۆ ۇكىمەت باسشىسىنا.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار