ەكونوميكا • 12 ءساۋىر، 2021

2021 جىلدىڭ I توقسانىندا ەل ەكونوميكاسى تۇراقتى ءوسىم كورسەتتى

16 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2021 جىلعى قاڭتار-ناۋرىز ايلارىنداعى الەۋمەتتىك-ەكونوميكالىق دامۋىنىڭ قورىتىندىسى جانە رەسپۋبليكالىق بيۋدجەتتىڭ اتقارىلۋى قارالدى، دەپ حابارلايدى ەgemen.kz.

ەكونوميكانىڭ، بانك سالاسىنىڭ جاي-كۇيى، رەسپۋبليكالىق بيۋدجەتتىڭ اتقارىلۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى اسەت ەرعاليەۆ، ۇلتتىق بانك توراعاسى ەربولات دوساەۆ، قارجى ءمينيسترى ەرۇلان جاماۋباەۆ، ونەركاسىپ پەن ەنەرگەتيكا سەكتورىنداعى جاعداي تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ەنەرگەتيكا ءمينيسترى نۇرلان نوعاەۆ، اگروونەركاسىپ كەشەنىندەگى جاعداي تۋرالى اۋىل شارۋاشىلىعى ءمينيسترى ساپارحان وماروۆ، الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىنا قاتىستى ساۋدا جانە ينتەگراتسيا ءمينيسترى باقىت سۇلتانوۆ، وڭىرلەردىڭ دامۋى تۋرالى شىعىس قازاقستان وبلىسىنىڭ اكىمى دانيال احمەتوۆ، قاراعاندى وبلىسىنىڭ اكىمى جەڭىس قاسىمبەك، باتىس قازاقستان وبلىسىنىڭ اكىمى عالي ەسقاليەۆ، ماڭعىستاۋ وبلىسىنىڭ اكىمى سەرىكباي ترۇموۆ باياندادى.

2021 جىلدىڭ ءبىرىنشى توقسانىنىڭ قورىتىندىسى بويىنشا وڭ جانە تۇراقتى ديناميكا قر ەكونوميكاسىنىڭ ناقتى سەكتورىندا بايقالدى. ءوسىم وڭدەۋ ونەركاسىبىندە (+7،5%)، قۇرىلىستا (+13،1%) جانە اۋىل شارۋاشىلىعىندا (+2،8%) بايقالدى.

وڭ ءوسىم قارقىنى ماشينا جاساۋدا (+21،8%)، ونىڭ ىشىندە اۆتوموبيل جاساۋدا (+20،7%); فارماتسەۆتيكادا (+9،1%); حيميا ونەركاسىبىندە (+14،2%); ءتۇستى مەتالدار ءوندىرىسىن (+3،4%) قوسا العاندا مەتاللۋرگيادا (+2،3%); جەڭىل ونەركاسىپتە (+3،1%)، ونىڭ ىشىندە كيىم وندىرىسىندە (+25،8%)، سونداي-اق ازىق-ت ۇلىك ونىمدەرى وندىرىسىندە (+3،3%) بايقالادى.

پرەمەر-مينيستر 2021 جىلعى 1 ساۋىردە وپەك+ 15 مينيسترلىك كەزدەسۋى وتكەنىن، وندا قازاقستان ءۇشىن مۇنايدى تاۋلىگىنە ءوندىرۋدى تاعى 6 مىڭ باررەلگە ۇلعايتۋدى كوزدەيتىن جەكەلەگەن شارتتار كەلىسىلگەنىن اتاپ ءوتتى. وسىعان وراي، جىل قورىتىندىسى بويىنشا مۇناي ءوندىرۋ سالاسىندا وڭ ديناميكا قامتاماسىز ەتىلەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار