وقيعا • 11 ءساۋىر، 2021

بەلگىلى ساۋلەتشى باقىتجان اشىرباەۆ دۇنيەدەن ءوتتى

2599 رەت كورسەتىلدى

شىمكەنت قالاسىنىڭ اڭىزى ءارى بەلگىلى ساۋلەتشى باقىتجان اشىرباەۆ ومىردەن وزدى. بۇل تۋرالى الەۋمەتتىك جەلىلەردە تولاسسىز كوڭىل ايتۋلار ايتىلىپ، قوعام قايراتكەرىنىڭ ەرەن ەڭبەگىن ەسكە الىپ جاتىر، دەپ حابارلايدى Egemen.kz

باقىتجان اشىرباەۆ شىمكەنت قالاسىندا دۇنيەگە كەلگەن. سول قالادا «ساۋلەتشى» ماماندىعى بويىنشا جوعارى ءبىلىم الىپ، ءومىر بويى ساۋلەت جانە قۇرىلىس سالاسىندا قىزمەت اتقارعان.

بەلگىلى ساۋلەتشى ەڭبەك جولىن شىمكەنت قالاسىنداعى «يۋجگورسەلپروەكت» مەملەكەتتىك جوبالاۋ ينستيتۋتىندا ساۋلەتشى بولىپ باستاعان.

1981-1999 جىلدارى شىمكەنت قالاسىنىڭ باس ساۋلەتشىسى بولىپ جۇمىس ىستەدى. سول جىلدارى ونىڭ باسشىلىعىمەن قالا ورتالىعى زاماناۋي كورىنىسكە يە بولدى.

1999 جىلدان 2005 جىلعا دەيىن ب.اشىرباەۆ «تۇركىستاننىڭ 1500 جىلدىق مەرەيتويىن دايىنداۋ جانە وتكىزۋ ديرەكتسياسىن» باسقاردى.

2010 جىلدىڭ تامىز ايىنان – وڭتۇستىك قازاقستان وبلىسى ساۋلەت جانە قالا قۇرىلىسى باسقارماسىنىڭ باستىعى.

باقىتجان اشىرباەۆ تۇركىستاننىڭ 1500 جىلدىق مەرەيتويىنا وراي قۇرىلىس سالعانى ءۇشىن مەملەكەتتىك سىيلىقتىڭ لاۋرەاتى اتاندى. بۇل ونىڭ ومىرىندەگى ماڭىزدى كەزەڭ – تۇركىستان مەرەيتويىنا دايىندىققا قاتىسۋ بولدى.

كەيىننەن باقىتجان اشىرباەۆ وبلىستىڭ باس ساۋلەتشىسى، وڭتۇستىك قازاقستان وبلىسى اكىمىنىڭ ورىنباسارى بولىپ جۇمىس ىستەدى.

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار