ايماقتار • 11 ءساۋىر، 2021

وسكەمەندە اۋە قاتىناسى ءبىر ايعا توقتاتىلادى

6 رەت كورسەتىلدى

وسكەمەن قالاسىندا اۋە قاتىناسى ءبىر ايعا توقتاتىلادى، دەپ حابارلايدى Egemen.kz

«وسكەمەن اۋەجايى» اق مالىمەتىنە سۇيەنسەك، 1 مامىردان 31 تامىزعا دەيىنگى ارالىقتا اۋەجايدىڭ جاساندى ۇشۋ جولاعىندا جۇمىستار جۇرگىزۋ جوسپارلانعان.

قۇرىلىس-مونتاجداۋ جۇمىستارى 2020-2025 جىلدارعا ارنالعان «نۇرلى جول» مەملەكەتتىك باعدارلاماسى اياسىندا قاراستىرىلعان. وسىعان بايلانىستى 1 ايعا اۆياقاتىناس توقتاتىلادى. بارلىق رەيستەر ۋاقىتشا سەمەي قالاسىنا اۋىستىرىلادى.

«ال 2021 جىلعى 1 ماۋسىم مەن 31 تامىز ارالىعىندا ان-24 اۋە كەمەلەرىمەن توپىراقتى ۇشىپ-قونۋ جولاعىنان نۇر-سۇلتان، الماتى، سەمەي، زايسان قالالارى مەن ءۇرجار اۋدانىنا رەيستەردى ورىنداۋ جوسپارلانىپ وتىر»، دەلىنگەن حابارلامادا.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار