الەم • 11 ءساۋىر، 2021

فيليپپ حانزادامەن قوشتاسۋ راسىمىنە وزگەرىس ەنگىزىلدى

9 رەت كورسەتىلدى

ۇلىبريتانيا جانە سولتۇستىك يرلانديا قۇراما كورولدىگىندە بوس پاترونمەن قارۋلاردان وق اتىلىپ، 9 ءساۋىر كۇنى قايتىس بولعان ەدينبۋرگ گەرتسوگى فيليپپكە قۇرمەت كورسەتىلدى، دەپ حابارلايدى Egemen.kz قازاقپاراتقا سىلتەمە جاساپ.

لوندون، ەدينبۋرگ، كارديفف جانە باسقا دا قالالاردا، اسكەري بازالار مەن كەمەلەردە زەڭبىرەكتەردەن مينۋتىنا بوس پاترونمەن ءبىر وقتان اتىلدى. ەكىنشى دۇنيەجۇزىلىك سوعىس جىلدارى ءىى ەليزاۆەتانىڭ بولاشاق كۇيەۋى بريتاندىق اسكەري-تەڭىز فلوتىندا قىزمەت ەتكەن بولاتىن.

كوروناۆيرۋس پاندەمياسىنا بايلانىستى توپتاسىپ جينالۋدان باس تارتۋ تۋرالى ەل بيلىگىنىڭ جانە پاتشالىق وتباسىنىڭ ۇندەۋىنە قاراماستان، تۇرعىندار سەنبى كۇنى بۋكينگەم مەن ۆينزدور سارايلارى ماڭىنا گۇل شوقتارىن اكەلىپ جاتتى.

سەنبىدە ەندريۋ جانە ەدۆارد حانزادالار ۆينزدور سارايىندا اناسى ءىى ەليزاۆەتاعا جولىقتى. جۇما كۇنى مونارحقا تاق مۇراگەرى چارلز كىرگەن ەدى. ۆيندزورداعى پاتشالىق رەزيدەنتسياسىنا جەرگىلىكتى حالىق تا كەلىپ جاتىر.

ءوزىنىڭ ءجۇز جىلدىعىنا ەكى اي، ءبىر كۇنى جەتپەي قايتىس بولعان حانزادا ءفيليپپتىڭ ولىمىنە وراي ۇلىبريتانيادا قارالى كۇن جاريالاندى. گەرالديكالىق پالاتادان ءمالىم ەتكەندەي، جەرلەۋ ءراسىمى اۋليە گەورگي شىركەۋىندە 17 ساۋىردە وتەدى.

وعان دەيىن حانزادانىڭ دەنەسى لوندون ماڭىنداعى ۆيندزور سارايىندا قالادى. كوروناۆيرۋس پاندەمياسىنا بايلانىستى قوشتاسۋ راسىمىنە وزگەرىس ەنگىزىلەدى.

ەسكە سالا كەتەيىك، 9 ءساۋىر كۇنى ءىى ەليزاۆەتا پاتشايىمنىڭ جولداسى حانزادا فيليپپ 99 جاسىندا قايتىس بولدى. قازاعا وراي قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن قازاقستان پرەزيدەنتى قاسىم-جومارت توقاەۆ كوڭىل ايتۋ جەدەلحاتىن جولدادى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار