ءبىلىم • 11 ءساۋىر، 2021

1 ماۋسىمنان باستاپ ماگيستراتۋراعا تۇسۋگە ءوتىنىش قابىلدانادى

15 رەت كورسەتىلدى

ءبىلىم جانە عىلىم مينيسترلىگى قازاقستاندىق جوو-لارعا ماگيستراتۋراعا ءتۇسۋ ءۇشىن كەشەندى تەست تاپسىرۋعا وتىنىشتەر 1 ماۋسىمدا قابىلدانا باستايتىنىن ءمالىم ەتتى، دەپ حابارلايدى Egemen.kz

«ماگيستراتۋراعا كەشەندى تەستىلەۋگە وتىنىشتەر قر بعم ۇلتتىق تەستىلەۋ ورتالىعىنىڭ سايتى ارقىلى 1 ماۋسىم مەن 15 شىلدە ارالىعىندا قابىلدانادى. كەشەندى تەستىلەۋدىڭ قورىتىندىسى بويىنشا كۋالىك ەلەكتروندى تۇردە تەستىلەنۋشىنىڭ جەكە كابينەتىنە جىبەرىلەدى»، دەدى ۆەدومستۆودان.

ماگيستراتۋراعا كەشەندى تەستىلەۋ 20 شىلدەدە باستالىپ، 10 تامىزعا دەيىن جالعاسادى. اراب ءتىلى بويىنشا جانە شىعارماشىلىق ەمتيحاندار 16-25 شىلدە ارالىعىندا وتەدى.

ماگيستراتۋراعا قابىلداۋ 28 تامىزدا اياقتالادى. بۇعان دەيىن حابارلاعانىمىزداي، بيىل باكالاۆرياتقا – 51 500، ماگيستراتۋراعا 13 500 گرانت بولىنەدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار