قاۋلىعا سايكەس 11 ءساۋىر كۇنگى ساعات 00:00-دەن 25 ءساۋىر كۇنگى 00.00-گە دەيىن ءبورلى اۋىلىندا كارانتين جاريالاندى. اۋىلعا كىرەبەرىس جولدارعا سانيتارلىق پوستار قويىلىپ, حالىقتىڭ قوزعالىسى شەكتەلەدى.
تۇرعىنداردىڭ اۋىلعا كىرىپ-شىعۋىنا, ادامدار كوپ جينالاتىن ءتۇرلى ءىس-شارالار وتكىزۋگە تىيىم سالىندى. مەديتسينا مەكەمەلەرىنە, دارىحانالارعا بارۋ قاجەت بولعان جاعدايدا, سونداي-اق تۇنگى اۋىسىمدا جۇمىس ىستەيتىندەرگە 109 تەلەفونىنا حابارلاسىپ, ءوتىنىم قالدىرۋى كەرەك. باسقا اۋىلداردا كۇندىز جۇمىس جاسايتىندار جۇمىس ورنىنان انىقتاما الىپ ءجۇرۋى ءتيىس.
