«قالانى ارالاۋ مەن جۇمىس بابى بويىنشا وتەتىن جينالىستاردان بوس ۋاقىتتا الەۋمەتتىك جەلىلەردەگى اككاۋنتتارىمدى كۇندەلىكتى تەكسەرۋگە تىرىسامىن. سىزدەردىڭ پىكىرلەرىڭىزدى, وتىنىشتەرىڭىزدى وقيمىن, قانداي سۇراقتار مەن ماسەلەلەر كوتەرىلىپ جاتقاندىعىن كورەمىن. ولار بويىنشا بىرقاتار تاپسىرمالار بەرەمىن: تىكەلەي سول جەرگە بارۋ, تۇرعىندارمەن سويلەسۋ, ءتۇسىندىرۋ جانە ت.ب.
مىسالى, وتىنىشتەردىڭ ءبىر بولىگى ۇلەسكەرلەردەن كەلىپ تۇسەدى. ۇزاق جىلدار بويى زاڭدى پاتەرلەرىنىڭ كىلتتەرىن كۇتۋ وڭاي ەمەس ەكەنىن تۇسىنەمىز. بىرقاتار قۇرىلىس جۇمىستارى اياقتالىپ, ۇلەسكەرلەر پاتەرلەرىنە كوشتى. ءاربىر قۇرىلىسى ۇزاققا سوزىلعان نىسان بويىنشا جۇمىس جۇرگىزىلىپ جاتىر. تۇرعىن ءۇي كەشەنىنىڭ ءبىر بولىگىندە ەشقانداي قۇجاتتاما بولعان جوق. ال قۇجاتتارسىز, ءۇيدىڭ قاۋىپسىزدىگىن تەكسەرۋسىز قۇرىلىس جۇمىستارىنا كىرىسۋگە بولمايدى.
ماعان جاڭادان سالىنىپ جاتقان شاعىن اۋداندا تۇراتىن قالا تۇرعىندارى جۇگىندى. تۇرعىندارعا ىڭعايلى جول سالىنباعان: باتپاق (تولە بي كوشەسى). ادامدار تۇگىلى, ماشينالارعا ءوتۋ قيىن. اۋداندا 6 كوپپاتەرلى تۇرعىن ءۇي كەشەنى ورنالاسقان («سمارت سيتي», «تەاترالنىي», «باسپانا», «7 پالات», «Zam zam», «التىن شار 2» تك).
اتالعان جولدىڭ قۇرىلىسىن وسى جىلعا ارنالعان كەستەگە ەنگىزۋدى تاپسىردىم. جول قۇرىلىسىنىڭ اياقتالۋ مەرزىمى بيىلعى جىلدىڭ كۇزى ەكەنىن ەسكەرە وتىرىپ, تۇرعىن ءۇي كەشەنىنە ۋاقىتشا وتپە جول توسەلەدى. قۇرىلىس ۇيىمدارىنا ۋاقىتشا جولعا ءوتۋ جولدارىن قامتاماسىز ەتۋ تاپسىرىلدى.
ۋاقىتشا وتپە جول سالۋ جۇمىستارى اياقتالعانعا دەيىن «نوۆا سيتي تۇران» تك, «گراند تۇران كومفورت» تك, «گراند تۇران» تك قۇرىلىس جۇمىستارى توقتاتىلادى, نىساندارعا كىرەتىن توپتار جابىلادى», دەپ جازدى ەلوردا اكىمى.
