قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى «تاۋەلسىزدىك بارىنەن قىمبات» ماقالاسىندا ناۋرىز مەيرامى تۇجىرىمداماسىن دايىنداۋ جانە كوكتەم مەرەكەسىنىڭ مازمۇنىن بايىتۋ تۋرالى تاپسىرماسىنا سايكەس مادەنيەت جانە سپورت مينيسترلىگى جاڭا تۇجىرىمداما تاسىلدەرىن ازىرلەدى.
بۇل باعىتتاعى العاشقى قادام مەملەكەت باسشىسى جاريالاعان «تازا تابيعات» اكتسياسى بولاتىن. ناۋرىز مەيرامىنىڭ تاربيەلىك شارتتارىنىڭ ءبىرى – تابيعاتقا ۇقىپتى قاراۋ, جاسىل جەلەكتەردى ساقتاۋ. بۇل كۇندەرى ءداستۇر بويىنشا ارىقتار تازالانادى, تۇرعىندار جاس اعاش كوشەتتەرىن وتىرعىزادى.
«مادەنيەت قىزمەتكەرلەرىنىڭ قاتىسۋىمەن كوگالداندىرۋ, اعاش كوشەتتەرىن وتىرعىزۋ جۇمىسىن تۇركىستان قالاسىنان باستادىق. مۇنداي يگىلىكتى جۇمىس بارلىق وڭىردە جالعاسادى», دەدى اقتوتى راحمەتوللاقىزى.
«ناۋرىز – تازالىق پەن قورشاعان ورتاعا قامقورلىق مەرەكەسى» اياسىندا تۇركىستان قالاسىنىڭ اۋماعىن اباتتاندىرۋ, كوگالداندىرۋ ءۇشىن قولعا الىنعان شاراعا تۋريزم جانە قوناقجايلىق ۋنيۆەرسيتەتى, «ازىرەت سۇلتان» مەملەكەتتىك تاريحي-مادەني قورىق-مۋزەيى» رمقك, وتىرار مەملەكەتتىك ارحەولوگيالىق تاريحي-مادەني قورىق-مۋزەيى" رمقك باسشىلارى مەن قىزمەتكەرلەرى تۇركىستان قالاسىنداعى جاڭا اۋەجايعا باراتىن جولدىڭ جيەگىنە اق قايىڭ, قاراعاي, بوزارشا اعاشتارىن ەكتى.
