ۇكىمەت • 10 ءساۋىر، 2021

«ورتالىق ازيا» حالىقارالىق ساۋدا ورتالىعى قۇرىلاتىن بولدى

33 رەت كورسەتىلدى

بۇگىن قازاقستان-وزبەكستان شەكاراسىنداعى «جىبەك جولى» وتكىزۋ پۋنكتى ماڭىندا قازاقستان پرەمەر-ءمينيسترى اسقار مامين مەن وزبەكستان پرەمەر-ءمينيسترى ابدۋللا اريپوۆ كەلىسسوز جۇرگىزىپ، «ورتالىق ازيا» حالىقارالىق ساۋدا-ەكونوميكالىق ىنتىماقتاستىق ورتالىعىنىڭ (حسەىو) قۇرىلىسى جۇرگىزىلەتىن جەرگە كاپسۋلا سالۋ راسىمىنە قاتىستى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

تاراپتار قازاقستاننىڭ وزبەكستانمەن ساۋدا-ەكونوميكالىق، ينۆەستيتسيالىق، اۋىل شارۋاشىلىعى، ترانزيتتىك-كولىك، تۋريستىك، عارىش سالالارىنداعى، ونەركاسىپتىك كووپەراتسياداعى، ترانسشەكارالىق سۋ رەسۋرستارىن ۇتىمدى پايدالانۋ مەن قورعاۋداعى، سونداي-اق ايماقارالىق جانە شەكارا ماڭى ىنتىماقتاستىعىنداعى وزەكتى ماسەلەلەردى تالقىلادى.

اۆتوموبيل جاساۋدا اوك ونىمدەرىن قايتا وڭدەۋدە، سونداي-اق جوعارى جىلدامدىقتى «تۇركىستان-شىمكەنت-تاشكەنت» تەمىرجول ماگيسترالىن سالۋدا بىرلەسكەن جوبالاردى ىسكە اسىرۋ ماسەلەلەرىنە ەرەكشە نازار اۋدارىلدى. كەلىسسوز قورىتىندىسى بويىنشا ا.مامين مەن ا.اريپوۆ «ورتالىق ازيا» حسەىو قىزمەتىن ۇيىمداستىرۋ جونىندەگى ءىس-شارالار جوسپارىنا، سونداي-اق تەمىرجول كولىگىن دامىتۋ جونىندەگى بىرلەسكەن ءىس-قيمىل تۋرالى حاتتاماعا قول قويدى.

«ورتالىق ازيا» حسەىو «جىبەك جولى» (قر) جانە «گيشت كۋپريك» ء(ور) وتكىزۋ پۋنكتى اۋدانىندا ورنالاساتىن بولادى. ورتالىقتىڭ جالپى اۋماعى – 400 گا، وتكىزۋ مۇمكىندىگى 35 مىڭ ادامدى جانە ەكى باعىتتا تاۋلىگىنە 5 مىڭ جۇك كولىگىن قۇرايدى.

ورتالىق قازاقستان مەن وزبەكستاننىڭ بىرلەسكەن ينۆەستيتسيالىق جوبالارىن ىسكە اسىرۋ ءۇشىن ءىرى ونەركاسىپتىك جانە ساۋدا-لوگيستيكالىق الاڭعا اينالۋعا ارنالعان. ونەركاسىپتىك كووپەراتسيانىڭ نەعۇرلىم پەرسپەكتيۆالى باعىتتارى وڭدەۋ سەكتورى، اوك جانە جەڭىل ونەركاسىپ بولىپ وتىر.

«قازاقستان مەن وزبەكستان ۇكىمەتتەرى ءوزارا ساۋدا-ساتتىق دەڭگەيىن 10 ملرد دوللارعا دەيىن جەتكىزۋ مىندەتى بويىنشا جۇمىس ىستەۋدە. بۇگىن ىسكە قوسىلاتىن جوبا وسى ماقساتقا قول جەتكىزۋگە قىزمەت ەتەدى جانە ەكى مەملەكەتتىڭ جان-جاقتى ستراتەگيالىق ىنتىماقتاستىعىن ودان ءارى نىعايتۋعا ىقپال ەتەتىن بولادى»، دەدى ا.مامين.

قازاقستان تاراپى وزبەكستاننىڭ سۋحانداريا جانە فەرعانا وبلىستارىندا ءۇش كوتەرمە-تاراتۋ ورتالىعىن اشۋ ارقىلى قر مەن ءور اراسىندا بىرىڭعاي تاۋار وتكىزۋ جۇيەسىن قۇرۋعا قىزىعۋشىلىق ءبىلدىردى، ونىڭ جالپى ينۆەستيتسيا كولەمى 22،5 ملن دوللار جانە اۋىستىرىپ تيەۋ قۋاتى جىلىنا 67 مىڭ توننانى قۇرايتىن بولادى.

جۇمىس ساپارى اياسىندا پرەمەر-مينيستر قازاقستان-وزبەكستان شەكاراسىنداعى جاڭعىرتىلعان «ب. قونىسباەۆ» وتكىزۋ پۋنكتىنە باردى. 2019 جىلعى شىلدەدەن 2020 جىلعى جەلتوقسان ارالىعىندا جۇرگىزىلگەن رەكونسترۋكتسيادان كەيىن ونىڭ قۇرىلىس الاڭى 2 ەسە 6 گا دەيىن، قوزعالىس جولاقتارىنىڭ سانى 2-دەن 6-عا دەيىن، پاسپورتتىق باقىلاۋ كابينالارىنىڭ سانى 6-دان 16-عا دەيىن ۇلعايدى، زاماناۋي ينسپەكتسيالىق-تەكسەرىپ قاراۋ كەشەندەرى ورناتىلدى.

قابىلدانعان شارالاردىڭ ناتيجەسىندە پۋنكتتىڭ وتكىزۋ مۇمكىندىگى ەكى باعىتتا تاۋلىگىنە 150-دەن 1 مىڭ اۆتوموبيلگە دەيىن، 6 ەسەدەن استامعا ءوستى، ءوتۋ ۋاقىتى 60 مينۋتتان 25 مينۋتقا دەيىن 2 ەسەگە قىسقاردى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار