«2021 جىلى «قاسيەتتى رامازان ايى» ءدىني مەرەكەسى 13 ءساۋىر مەن 12 مامىر ارالىعىندا وتەدى. مامىر ايىنىڭ 8-نەن 9-ىنا قاراعان ءتۇنى «قاسيەتتى قادىر ءتۇنى», 13-ءشى مامىر كۇنى «ورازا ايت» مەرەكەسى اتاپ وتىلەدى. دەگەنمەن سانيتارلىق-ەپيدەميولوگيالىق جاعدايعا بايلانىستى بارلىق مەشىتتەردەگى ءداستۇرلى «تاراۋيح نامازدار», «اۋىزاشار» راسىمدەرى وتكىزىلمەيدى», دەدى ەربولات ءجۇسىپوۆ.
ال ءوز كەزەگىندە ءدىن ىستەرى جونىندەگى باسقارماسىنىڭ باسشىسى نۇرداۋلەت المۇحانوۆ نۇر-سۇلتان قالاسىنىڭ ءدىن ىستەرى جونىندەگى باسقارماسى قمدب-نىڭ قالا بويىنشا وكىلدىگى جانە ءتيىستى مەملەكەتتىك مەكەمەلەرمەن بىرلەسە دايىندىق جۇمىستارىن جۇرگىزىپ جاتقانىن ءمالىم ەتتى. ول سول سياقتى ەلوردادا رامازان ايىندا كومەككە مۇقتاج وتباسىلاردىڭ ءتىزىمى دايىندالىپ جاتقانىن جەتكىزدى.
«كومەككە مۇقتاج وتباسىلارعا الەۋمەتتىك كومەك كورسەتۋ ماقساتىندا اۋدان اكىمدىكتەرى جانە جۇمىسپەن قامتۋ جانە الەۋمەتتىك قورعاۋ باسقارماسىمەن بىرلەسە كومەككە مۇقتاج وتباسىلارىنىڭ ءتىزىمى جاساقتالۋدا. وسى ورايدا قۇرمەتتى قالا تۇرعىندارى «قاسيەتتى رامازان ايى» مەيىرىمدىلىك پەن جاقسىلىقتىڭ ايى بولعاندىقتان, بارشاڭىزدى كومەككە مۇقتاج ادامدارعا قولدان كەلگەنشە قول ءۇشىن بەرىپ قايىرىمدىلىققا اتسالىسۋلارىڭىزدى سۇرايمىن», دەدى ۆەدومستۆو باسشىسى.
ول ءسوزىن جالعاي وتىرىپ, سانيتارلىق-ەپيدەميولوگيالىق قاۋىپسىزدىك ەرەجەلەرىنە باسا ءمان بەرۋدى تاپسىردى.
«قۇرمەتتى نۇر-سۇلتان قالاسىنىڭ تۇرعىندارى مەن قوناقتارى, بارشاڭىزدى بەكىتىلگەن سانيتارلىق-ەپيدەميالىق قاۋىپسىزدىك ەرەجەلەرىن ساقتاۋعا شاقىرامىز. ءوزىمىزدى جانە جاقىندارىمىزدى قاۋىپ-قاتەردەن قورعايىق», دەدى ول.
