شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, التاي اۋدانى قاراكول اۋىلىنان جاڭا بۇقتىرما كەنتىنە بەت العان 1988 جىلعى ايەل مەن 1986 جىلعى ەر ادام جوعالىپ كەتكەن.
«حابار تۇسكەن سوڭ قۇتقارۋشىلار قاردا جۇرەتىن ارنايى تەحنيكامەن شۇعىل ىزدەۋگە شىقتى. جوعالعاندار بۇقتىرما سۋ قويماسىنىڭ جاعاسىنان تابىلعان. ولاردىڭ ومىرىنە ەشقانداي قاۋىپ ءتونىپ تۇرعان جوق. قۇتقارۋشىلار ەكەۋىن جاقىن ماڭداعى ەلدى مەكەنگە جەتكىزدى», دەپ حابارلادى ۆەدومستۆو وكىلدەرى.
تجد ماماندارى ءوڭىر جۇرتشىلىعىنا جولعا شىققان كەزدە جاقىندارىڭىزعا ءوز باعىتىڭىز تۋرالى ايتۋ قاجەتتىگىن ەسكەرتەدى. سونداي-اق وزىڭىزبەن جىلى كيىم, قۋاتتالعان ۇيالى تەلەفون بولۋى ءتيىس. قانداي دا ءبىر قيىندىققا تاپ بولعان جاعدايدا دەرەۋ «112» نومىرىنە حابارلاسۋ قاجەت.
