پىكىر • 09 ءساۋىر، 2021

اشىق قوعامعا – اشىق ارحيۆتەر

60 رەت كورسەتىلدى

جۋىردا قازاقستان رەسپۋبليكاسى پرەزيدەنتى ءارحيۆىنىڭ قۇجاتتارىن پايدالانۋ ماسەلەلەرى بويىنشا سەمينار ءوتتى. ءىس-شارا ساياسي قۋعىن-سۇرگىن قۇرباندارىن تولىق اقتاۋ بويىنشا مەملەكەتتىك كوميسسيانىڭ جوبالىق كەڭسەسىمەن بىرلەسىپ، بەينەكونفەرەنتسيالىق بايلانىس تۇرىندە ۇيىمداستىرىلدى.

سەميناردىڭ نەگىزگى دارىس­كەرى پرەزيدەنت ءارحيۆى­نىڭ ديرەكتورى ج.ابدىقادىروۆا ۇلتتىق ارحيۆ قورىنىڭ قۇجات­تارىن پايدالانۋ جۇمىستارىن ۇيىمداستىرۋ ماسەلەلەرىنە توقتالىپ، زەرتتەۋشىلەردىڭ قور قۇرامىمەن قاشىقتان ءار­حيۆتىڭ سايتى ارقىلى تانى­سۋعا مۇمكىندىكتەرى بار ەكەندىگىن اتاپ ءوتتى. سونىمەن قاتار ءار­حيۆتىڭ الاش قوزعالىسىنىڭ تاريحى بويىنشا، 1939-1945 جىلدارى. ەكىنشى دۇنيەجۇزىلىك سو­عىس­تىڭ قازاقستاندىق اسكە­ري تۇتقىندارى، وتكەن عاسىر­دىڭ 30-جىلدارىنداعى اشار­شى­لىق، 1930-1940 جىلدارداعى قازاق­ستانعا كۇشتەپ قونىس اۋدارۋعا قاتىستى جوبالارى تۋ­رالى ايتىپ ءوتتى. ساياسي ق­ۋ­­عىن-سۇرگىن قۇرباندارىن تو­­لىق اقتاۋ بويىنشا مەم­لە­كەت­تىك كوميسسيانىڭ جۇمىس توپ­­تارىنىڭ نەگىزگى تاقى­رىپ­تا­رى وسى ماسەلە­لەرمەن استاسىپ جات­­قانىنا باسا نازار اۋداردى.

سەمينارعا قاتىسۋشىلار ارحيۆ جۇمىسىنا قاتىستى وز­­دەرىن قىزىقتىرعان سۇرا­ق­تارىنا جاۋاپ الىپ، بىرقا­تار ماسەلە بويىنشا قىزۋ پىكىر­تالاس تۋىندادى. قاتىسۋشى­لاردىڭ كوپشىلىگى پرەزيدەنت ارحيۆىندەگى زەرتتەۋشىلەردىڭ جۇمىس ىستەۋى ءۇشىن جاسالعان قولايلى جاعدايدى اتاپ ءوتتى.

وتكەن عاسىرداعى قازاق­ستان تا­ري­حىنىڭ قاسىرەتتى وقيعا­لا­رى­نا قاتىستى قۇ­جات­تار نەگى­زىنەن، پرەزيدەنت ءارحيۆىنىڭ 139، 141 جانە 708-قورلارىندا توپ­­­تاس­تى­رىلعان. اتالعان قور­­لاردا ساقتاۋداعى ارحيۆ­تىك قۇجات­تار قۇجاتتىق جي­ناق­­­تاردا جاريالانۋ ار­قى­لى بەل­سەن­دى تۇردە عىلىمي اي­نا­­لىم­عا ەنگىزىلۋدە. وسىن­داي قۇ­جات­تىق جيناقتىڭ ءبىرى – قازاق­ستان حالقى اسسام­ب­لەياسى­مەن بىرلەسە دايىندالعان «دە­پور­تاتسيالار تاريحىنان» قۇ­جات­تىق جيناعى. جيناقتىڭ 1930-1945 جىلدار ارالىعىن قام­­­تيىن ءۇش كىتابى جارىققا شىق­­­­قان، ءتورتىنشى كىتابىن دا­يىن­­­­داۋ جۇمىستارى قازىرگى ۋا­­­قىت­­­تا جۇرگىزىلىپ جاتىر. جۇ­­مىس توپ­­تارى مۇشەلەرىنىڭ ءوتى­نى­­شى بو­يىن­­شا جيناقتىڭ ءۇش كىتا­بى ارحيۆ سايتىنا ورنالاستىرىلادى.

ساياسي قۋعىن-سۇرگىن قۇر­­بان­دارىن تولىق اقتاۋ بو­­يىن­شا مەم­لەكەتتىك كوميس­سيا­­نىڭ جو­با­لىق كەڭسەسى­نىڭ جەتەك­شى­سى س.قا­سىموۆ ءوز سوزىن­دە پرە­­زي­دەنت ءار­حيۆىنىڭ قۇ­جات­تار­عا قول­جە­­تىم­دىلىكتى ۇيىم­داستى­رۋ­داعى تا­­جى­­ري­بەسى باسقا دا وڭىرلىك، رەس­­پۋب­لي­كالىق جانە ارنايى ار­حيۆ­تەرگە پايدالى بولارىن اتاپ ءوتتى.

سەمينار جۇمىسىنا ساياسي قۋ­عىن-سۇرگىن قۇرباندارىن تو­­لىق اقتاۋ بويىنشا مەملە­كەت­تىك كوميسسيانىڭ جۇمىس تو­پ­تارى­نىڭ مۇشەلەرى، پرەزي­دەنت ءار­حيۆىنىڭ قىزمەت­كەرلەرى مەن عى­لىمي كەڭەسىنىڭ مۇشەلەرى قاتىستى.

 

مۇحاممەد جىلگەلدينوۆ،

قازاقستان پرەزيدەنتى ءارحيۆىنىڭ قىزمەتكەرى

 

سوڭعى جاڭالىقتار

ۇقساس جاڭالىقتار