مەديتسينا • 09 ءساۋىر، 2021

وتاندىق ۆاكتسينا: QazCovid-in قالاي جاسالادى؟

33 رەت كورسەتىلدى

بەيسەنبى كۇنى تاڭ الدىندا الماتىدا باس قوسقان ەلىمىزدىڭ جەتەكشى جۋرناليستەرى جامبىل وبلىسىنداعى گۆارديالىق اسكەري گارنيزون اۋماعىنداعى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنا باعىت الدى. كەڭەس وداعىنان مۇراعا قالعان، ىرگەلى عىلىمي-تەحنيكالىق بازاسى بار ينستيتۋتتى «جابىق ايماقتىڭ ىشىندەگى جابىق ايماق» دەۋگە بولادى.

ماقسات بەلگىلى. بىلتىردان بەرى حالىق كوزگە كورىنبەيتىن جاۋمەن اي­قاسىپ كەلەدى. بىلتىردان بەرى وتاندىق عا­لىمدار وسى ينستيتۋتتا ءوز ۆاكتسينامىزدى جاساپ، سىناقتاردى ءساتتى وتكىزىپ جا­تىر. قازىر مۇنداعى جۇمىستار قۇددى ماي­دان الاڭى ىسپەتتەس، ءاربىر كۇندى ۇتىم­دى پايدالانۋعا ۇمتىلادى.

وتاندىق جۋرناليستەردىڭ ءىسساپارىنا بايلانىستى ءبىر كۇنگە بۇل جەردەگى عى­لىمي زەرتتەۋلەر مەن ۇدەرىستەر تولايىم توقتاپ قالماسا دا، كىدىرىس تاپتى. ويتكەنى قازىر حالىققا وتاندىق جانە باسقا دا ۆاكتسينالار تۋرالى وسى ىسپەن تىكەلەي اينالىسىپ جاتقان ۆيرۋسولوگ عالىمداردىڭ تۇسىندىرمەلەرى مەن جالپاق جۇرتقا تۇسى­نىكتى اقپاراتتارى قاجەت.

ىندەتتەن قۇتىلۋدىڭ جالعىز جولى – ۆاكتسينا. ادامزاتتى قىناداي قىرعان مۇنان دا قاۋىپتى جۇقپالى دەرتتەر­دىڭ ەمى ۆاكتسينالاۋ بولعانىن بىلە­مىز. الايدا قازىر ەلدىڭ ىشىندە جاپ­پاي ەگۋ جۇمىستارىن باستاۋعا قاتىستى الىپقاشپا اڭگىمەلەر، ۇرەي تۋدىراتىن دايەكسىز داقپىرتتار جەلدەي ەسىپ تۇر. ونىڭ ۇستىنە الداعى 25 ساۋىرگە دەيىن وتاندىق ۆاكتسينانىڭ كەزەكتى پارتياسىن شىعارۋ كەرەك. ال حالىق ۆاكتسينا عانا ەمەس، ول تۋرالى سەنىمدى دەرەك كوزدەرىنەن الىن­عان اقپارات كۇتىپ وتىر.

وتاندىق باق وكىلدەرى بيولوگيا­لىق قاۋىپسىزدىك پروبلەمالارىنىڭ عىلىمي زەرتتەۋ ينستيتۋتىنىڭ كوپتە­گەن لابوراتورياسىندا، ونىڭ ىشىن­دە QazCovid-in ۆاكتسيناسىن جاساعان جانە ءبىرىنشى بولىپ بىلتىر وزدەرىنە سالدىرعان وتاندىق عالىمدارمەن ساعات­تار بويى سۇحباتتاسىپ، ەلدىڭ كوكەيىندە جۇرگەن كوپتەگەن سۇراقتىڭ جاۋابىن ىزدەدى. اسا قاۋىپتى جۇقپالى اۋرۋلار لابوراتورياسىنان تىكەلەي رەپورتاج جاساۋعا مۇمكىندىك الدى.

وسى ارادا وقىرمانعا تۇسىنىكتى بولۋ ءۇشىن ايتا كەتۋ كەرەك. ەگەر ءاۋ باستا كەڭەس وداعى بەس ەلدە قۇرعان مۇنداي عىلىمي زەرتتەۋ ينستيتۋتى بولماسا، ءبىزدىڭ عالىمدار جەدەل ءوز ۆاكتسينامىزدى جاساۋعا بەل بايلاماعان بولار ەدى. وتاندىق ۆاكتسينانى جاساۋعا بىزدەگى بيولوگيالىق قاۋىپسىزدىكتىڭ 3-ءشى دەڭگەيلى لابوراتورياسى (BSL-3) جول اشىپ بەرگەنىن اتاپ وتكەن ءجون.

قازىرگى تاڭدا ينستيتۋتتىڭ 200-دەن استام عىلىمي قىزمەتكەرى بار، ونىڭ 56-سى ءوز باستارىن قاتەرگە تىگە وتى­رىپ، تىكەلەي وتاندىق ۆاكتسينانى جا­ساۋعا اتسالىسقان. ازىرگە ايتارىمىز، قازاق­ستاندىق جۋرناليستەردىڭ بارلىعى دەرلىك بۇل جەرگە تۇڭعىش رەت جولى ءتۇسىپ وتىر. بۇل ساپار ارىپتەستەرىمىز ءۇشىن قايتالانباۋى دا مۇمكىن. مۇندا جەر بەتىندەگى اسا قاۋىپتى بارلىق ۆيرۋستىڭ شتامدارى بار. ەكزوتيكالىق ۆيرۋستار دا ساقتالعان. سونىمەن وتاندىق ۆاكتسينا قانداي پلاتفورمادا جاسالدى؟ وتاندىق عالىمدار نەگە QazCovid-in-ءدى بارىنشا ءتيىمدى، بارىنشا قاۋىپسىز دەپ ەسەپتەيدى؟

گازەتىمىزدىڭ الداعى نومىرىندە نۇح پايعامباردىڭ كەمەسى سياقتى جەر بەتىن­دەگى بارلىق ۆيرۋستى جيىپ الىپ، ىرگەلى عىلىمي زەرتتەۋلەر جۇرگىزىپ جاتقان عالىمدارىمىزدىڭ ەرەن ىستەرى تۋرالى كەڭىنەن باياندايتىن بولامىز.

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار