«وزەندەردىڭ اشىلۋى جانە سۋ دەڭگەيىنىڭ كوتەرىلۋى بايقالادى. بۇل رەتتە شەكتى دەڭگەيدەن اسىپ كەتكەن جوق», دەيدى وبلىستىق تجد تج الدىن الۋ باسقارماسىنىڭ باستىعى الەكسەي شتىكەل.
وبلىستا قار مولشەرى 33 پايىزعا دەيىن ازايدى. ريددەر قالاسىندا, كاتونقاراعاي, بورودۋليحا اۋداندارىندا قار قالىڭدىعى 50 سانتيمەتردەن اسپايدى. التاي اۋدانىندا عانا 71 سانتيمەتر.
ەرتىس, ءۇبى, كۇرشىم وزەندەرىندەگى مۇزدىڭ كەپتەلىپ قالۋ قاۋپى بار 19 ۋچاسكەلەردە پروفيلاكتيكالىق جارىلىس جۇمىستارى جۇرگىزىلدى. سونداي-اق, قۇتقارۋشىلار وبلىس اۋماعىندا جوعارى دايىندىق رەجيمدە جۇمىس ىستەپ جاتىر. جەدەل شتابتار دا قۇرىلعان.
ال ەرتىستىڭ جاعاسىنداعى گلۋبوكوە اۋدانىندا قارسۋىن بۇرۋ جۇمىستارى قولعا الىندى. جول بويىنا 350-دەن استام قاپ توسەلدى. ويتكەنى, گلۋبوكوە كەنتىندەگى بۇلاق ارناسىنداعى سۋ جولعا جايىلىپ كەتكەن. وقيعا ورنىندا ەكى تەحنيكا جانە 24 ادام جۇمىس ىستەدى.
