«سامۇرىق-ەنەرگو» اق جاڭا باسشىسىن ۇجىمعا بۇگىن «سامۇرىق-قازىنا» اق باسقارما توراعاسى الماسادام ساتقاليەۆ تانىستىردى.
بۇعان دەيىن سۇڭعات ەسىمحانوۆ پاۆلودار وبلىسى اكىمىنىڭ ءبىرىنشى ورىنباسارى قىزمەتىن اتقارعان. ءار جىلدارى ول قازاقستان رەسپۋبليكاسى ەنەرگەتيكا ۆيتسە-ءمينيسترى, قازاقستان رەسپۋبليكاسى ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ توراعاسى, «قازاقەنەرگوەكسپەرتيزا» اق پرەزيدەنتى, ماڭعىستاۋ جانە قاراعاندى وبلىستارىنداعى تابيعي مونوپوليالاردى رەتتەۋ جانە باسەكەلەستىكتى قورعاۋ اگەنتتىگى دەپارتامەنتىنىڭ ديرەكتورى بولىپ جۇمىس ىستەدى.
تورايعىروۆ اتىنداعى پاۆلودار مەملەكەتتىك ۋنيۆەرسيتەتىن جانە «بولاشاق» ينستيتۋتىن بىتىرگەن.
