قارجى • 08 ءساۋىر، 2021

ۇلتتىق بانك توراعاسىنىڭ كەڭەسشىسى جاڭا جۇيە تۋرالى ايتتى

21 رەت كورسەتىلدى

ۇلتتىق بانك توراعاسىنىڭ كەڭەسشىسى ولجاس تولەۋوۆ  Galymzhan جۇيەسى، ونىڭ ەرەكشەلىكتەرى مەن مۇمكىندىكتەرى تۋرالى ءتۇسىندىرىپ بەردى، دەپ جازادى Egemen.kz.     

ولجاس تولەۋوۆ  ناقتىلاپ ايتىپ وتكەندەي،  Galymzhan - ۇلتتىق بانك ماماندارى جاساپ شىعارعان جانە ۇنەمى جەتىلدىرىپ وتىرعان اناليتيكالىق باعدارلاما. بۇل قۇرال ەڭ الدىمەن ينفلياتسيانىڭ پروكسي-ينديكاتورىن قۇرۋ ارقىلى تۇتىنۋ نارىعىنداعى باعالاردى كۇن سايىن باقىلاۋ ءۇشىن جانە سول كەزدەگى جاعدايعا باعا بەرۋ ءۇشىن پايدالانىلادى.

«ينفلياتسيالىق تارگەتتەۋ ساياساتىن ۇستاناتىن ورتالىق بانكتەر ءۇشىن قازىرگى ۋاقىتتا بولىپ جاتقان ينفلياتسيالىق ۇردىستەردى باقىلاۋ جانە تالداۋ ماڭىزدى ەكەنى انىق. باعانىڭ وزگەرىسىنە قاتىستى ۋاقىتىلى اقپارات الىپ وتىرسا،  ءار ءتۇرلى داعدارىس كەزىندە ارەكەت ەتىپ،  قاجەت بولعان جاعدايدا اقشا-كرەديت ساياساتى بويىنشا شەشىمدەردى ۋاقىتىندا تۇزەتۋگە مۇمكىندىك بەرەدى. بىراق، سولاي بولا تۇرا، تۇتىنۋشى كورزيناسىنداعى تاۋارلاردىڭ باعاسىنداعى وزگەرىسكە جەدەل اناليز جاساۋدى تەجەپ وتىرعان فاكتور – رەسمي باعا ستاتيكاسىنىڭ ءجيى جاريالانۋى» دەيدى ۇلتتىق بانك توراعاسىنىڭ كەڭەسشىسى.

ماسەلەن، ايدىڭ سوڭىندا قازاقستاندا تۇتىنۋ باعالارىنىڭ يندەكسىن ۇلتتىق ستاتيستيكا بيۋروسى  جاريالايدى، ال الەۋمەتتىك ماڭىزى بار ازىق-ت ۇلىك تاۋارلارىنىڭ ينفلياتسياسى تۋرالى مالىمەتتەر اپتا سايىن ۇسىنىلادى. بۇل وتە ماڭىزدى جانە جەدەل اقپارات.

الايدا، جەكەلەگەن ساتتەردە ەكونوميكالىق جاعدايعا نەعۇرلىم ەگجەي-تەگجەيلى جانە ءتيىمدى تالداۋ جۇرگىزۋ جەتكىلىكسىز بولۋى مۇمكىن. وسىعان بايلانىستى Galymzhan جۇيەسى سياقتى زاماناۋي ادىستەر مەن قۇرالداردىڭ قاجەتتىلىگى تۋىندايدى. 

«Galymzhan جۇيەسىنىڭ جۇمىسى ۆەب-سكرەپينگ تەحنولوگياسىن قولدانۋعا نەگىزدەلگەن، ياعني، ينتەرنەتتەگى باعالار تۋرالى اقپارات اۆتوماتتاندىرىلعان تاسىلمەن جينالادى.  ايتپاقشى، بۇل پاندەميا كەزىندە ينتەرنەت-دۇكەندەر مەن بولشەك ساۋداگەرلەردىڭ قىزمەتى تۋرالى اقپاراتتاردىڭ ءار ءتۇرلى اگرەگاتورلارى قازاقستاندا بەلسەندى دامىدى، ءدال وسى فاكتور ءبىزدىڭ جۇيەمىزدى دامىتۋعا ەرەكشە سەرپىن بەردى دەسەك تە بولادى.  بۇل باقىلاۋ بازاسىن جانە تاۋارلاردىڭ رەپرەزەنتاتيۆتى ءتۇرىن ەداۋىر كەڭەيتۋگە مۇمكىندىك بەردى» دەيدى و. تولەۋوۆ.

سونداي –اق ۇلتتىق بانك وكىلى مونيتورينگ جۇيەسىمەن قامتىلعان تاۋارلار سانى تۋرالى دا ءتۇسىندىرىپ ءوتتى. ء«بىز قازىر جۇيەنىڭ ەكىنشى نۇسقاسىن دايىنداپ جاتىرمىز، ول Galymzhan 2.0 دەپ اتالادى. قازىر ول ازىرگە سىنالىپ جاتىر. باعدارلاما كۇن سايىن قازاقستاننىڭ 6 قالاسىنداعى ءار ءتۇرلى برەندتەردىڭ 16 رەسمي ينتەرنەت-رەسۋرسىندا بار 140 مىڭعا جۋىق ازىق-ت ۇلىك جانە تۇتىنۋ تاۋارلارىن باقىلايدى. بۇل – نۇر-سۇلتان، الماتى، شىمكەنت، قاراعاندى، پاۆلودار، وسكەمەن قالالارى. كوپ ۇزاماي سولتۇستىك پەن باتىستاعى قالالاردى دا قامتۋ ويدا بار. سونداي-اق باعدارلامانى سىناۋ كەزەڭىندە باعالاردىڭ وزگەرۋىن تولىق جيناقتاۋ جانە تالداۋ تەك 19 ءونىمنىڭ قۇرامىنا كىرەتىن الەۋمەتتىك ماڭىزى بار ازىق-ت ۇلىك تاۋارلار توبى (بۇدان ءارى – NWPT) بويىنشا جۇزەگە اسىپ جاتىر. ويتكەنى، ۇلتتىق ستاتيستيكا بيۋروسى اپتا سايىن وسى سەبەتكە كىرەتىن باعالاردىڭ وزگەرگەنى تۋرالى مالىمەتتەردى كۇن سايىن جاڭارتىپ وتىرادى. جۇيەنى تەستىلەۋ كەزىندە ءبىز ناتيجەنى اپتا سايىنعى ستاتيستيكالىق كەڭەستىڭ مالىمەتتەرىمەن سالىستىرامىز» دەيدى ولجاس تولەۋوۆ.

Galymzhan جۇيەسىندەگى الەۋمەتتىك ماڭىزى بار ازىق-ت ۇلىك تاۋارلارى توبى بويىنشا ءبىز جيناقتاعان مالىمەتتەردى تالداۋ بارىسىندا ينتەرنەت-دۇكەندەردىڭ مالىمەتتەرى ۇلتتىق ستاتيستيكا بيۋروسىنىڭ كلاسسيكالىق زەرتتەۋ ادىسىمەن بەلگىلەنگەن باعالارمەن سالىستىرعاندا تەز وزگەرەتىنى انىقتالدى. بۇل ينتەرنەت-دۇكەندەردەگى تاۋار اينالىمىنىڭ جوعارىلاۋىمەن جانە باعانى جاڭارتۋعا ايقىن شىعىنداردىڭ بولماۋىمەن بايلانىستى بولۋى مۇمكىن. ماكروەكونوميكاداعى بۇل قۇبىلىس ء«مازىر ەففەكتىسى» دەپ اتالادى.

«سونىمەن قاتار، ينتەرنەت-دۇكەندەردەگى باعانىڭ ءوسۋ قارقىنى كوپ جاعدايدا بولشەك ساۋدا نۇكتەلەرىنە قاراعاندا تومەن ەكەنىن بايقادىق. بولجام بويىنشا، بۇل فاكت ءوزىنىڭ جەكە ينتەرنەت-دۇكەنىنىڭ بولۋى ءىرى ازىق-ت ۇلىك تىزبەگىنىڭ قۇزىرەتىنە بايلانىستى، مۇندا تۇپكىلىكتى ءونىمنىڭ قۇنى ماسشتابتى ۇنەمدەۋگە بايلانىستى جالعىز ساۋدا نۇكتەلەرىمەن سالىستىرعاندا تومەن بولۋى مۇمكىن.ءبىز، سونداي-اق، ونلاين-باعانىڭ وزگەرۋى مەن ۇلتتىق ستاتيستيكا بيۋروسىنىڭ كلاسسيكالىق زەرتتەۋ ادىسىمەن تىركەلگەن باعالار اراسىنداعى ۋاقىتتىڭ ارتتا قالۋىن بايقادىق. بۇل، ءوز كەزەگىندە، Galymzhan جۇيەسىمەن ەسەپتەلگەن ينديكاتوردى جەتەكشى ينديكاتور رەتىندە جانە الەۋمەتتىك ماڭىزدى ءونىم باعالارىنىڭ وزگەرۋى تۋرالى رەسمي دەرەكتەردىڭ بولجامى رەتىندە پايدالانۋعا مۇمكىندىك بەرەدى» دەيدى ولجاس تولەۋوۆ.

جۇيەنى جالپىعا قول جەتىمدى ەتۋ مۇمكىندىكتەرى تۋرالى ناقتىلاپ وتكەن ۇلتتىق بانك وكىلى  بارلىق قاجەتتى تەحنيكالىق سىناقتاردى وتكىزگەننەن كەيىن، بەلگىلى ءبىر اقپاراتتاردى جيناقتاعاننان كەيىن، تاۋارلار باقىلاۋلارىنىڭ سانىنا، ساۋدا اتاۋلارىنا، گەوگرافيالىق قامتۋعا جاقىنداعاننان كەيىن مۇمكىن بولعانىن ەسكە سالدى. «بۇل ءوز كەزەگىندە پروكسي-ينفلياتسيانىڭ سوڭعى ينديكاتورىنىڭ ۇلكەن رەپرەزەنتاتيۆتىلىگىن قامتاماسىز ەتە الادى. ول ءۇشىن، ارينە، ءبىراز ۋاقىت كەرەك.

ەكونوميكالىق اگەنتتەر ءۇشىن، اقىرعى تۇرىندە، پروكسي-ينفلياتسيانىڭ جالپى ينديكاتورىن قازاقستاندىق قالالاردا ناقتى دۇكەن سورەلەرىندەگى تاۋار باعالارىنا دەيىن «بولۋگە» مۇمكىندىك بەرەتىن جۇيەنىڭ بولۋى، ءبىزدىڭ ويىمىزشا، ەلدەگى رەسمي ينفلياتسيا كورسەتكىشتەرىنە بيزنەس پەن حالىقتىڭ سەنىمىن كۇشەيتەدى. سايىپ كەلگەندە، بۇل ينفلياتسيالىق كۇتۋلەردى ءتيىمدى تۇردە بەكىتىپ، ينفلياتسيانى تارگەتتەۋ رەجيمىندە ۇلتتىق بانكتىڭ اقشا-كرەديت ساياساتىنىڭ تيىمدىلىگىن ارتتىرا الادى» دەيدى ۇلتتىق بانك وكىلى.

ءوز كەزەگىندە، ساراپشىلار، اكادەميالىق ورتا مەن قارجى نارىعىنىڭ قاتىسۋشىلارى ءۇشىن جۇيەنىڭ ناتيجەلەرى ماڭىزدى اقپارات كوزىنە اينالۋى مۇمكىن، ونىڭ نەگىزىندە ينفلياتسيالىق پروتسەستەرگە قاتىستى ماڭىزدى جانە ەگجەي-تەگجەيلى عىلىمي-قولدانبالى زەرتتەۋلەر جۇرگىزۋگە بولادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار