ايماقتار • 08 ءساۋىر، 2021

جامبىل وبلىسىندا ەڭبەكاقى داۋى جولعا قويىلدى

36 رەت كورسەتىلدى

جامبىل وبلىسىندا بۇگىندە ەڭبەكاقى داۋى جولعا قويىلىپ، جىل باسىنان بەرى 108،1 تەڭگە جالاقى قارىزدارى وندىرىلگەن. وبلىستىق ەڭبەك ينسپەكتسياسى باسقارماسىنىڭ باسشىسى قايرات دوساەۆتىڭ ايتۋىنشا، بۇل سومما بيىلعى جىلدىڭ باسىنان ەڭبەك ينسپەكتورلارىمەن انىقتالعان 733 جۇمىسكەرگە تيەسىلى ەڭبەكاقى ەكەن. ول ەڭبەك داۋلارى مەن نارازىلىقتار نەگىز بولاتىن بىردەن ءبىر سەبەپ – جالاقىنىڭ  ۋاقىتىلى تولەنبەۋى ەكەنىن ايتتى.

«بيىلعى جىلدىڭ قاڭتار-ءساۋىر ايلارىندا وبلىستاعى ەڭبەك قاتىناستارىنىڭ احۋالى تۇراقتى بولىپ، ەڭبەك شيەلەنىستەرى تىركەلگەن جوق. دەگەنمەن، جەكەلەگەن كاسىپورىنداردا جۇمىسكەرلەردىڭ تاراپىنان جالاقىنى كوتەرۋ ماسەلەسىنە قاتىستى الەۋمەتتىك جەلىلەر، ۇجىمدىق ارىزدار ارقىلى ءوز تالاپتارىن ءبىلدىرۋ فاكتىلەرى «جامبىل تسەمەنت وندىرىستىك كومپانياسى» جاۋاپكەرشىلىگى شەكتەۋلى سەرىكتەستىگىندە جانە «قازاقتەلەكوم» اكتسيونەرلىك قوعامىنىڭ وبلىستىق فيليالىنىڭ تالاس، قورداي جانە تاراز بولىمشەلەرىندە ورىن العان. بۇل ماسەلەلەرگە قاتىستى جۇمىسكەرلەرمەن ءتيىستى تۇسىندىرمە جۇمىستارى جۇرگىزىلىپ، جۇمىسكەرلەردىڭ تالاپتارى ءىشىنارا قاناعاتتاندىرىلدى»، دەيدى قايرات اسكەربەك ۇلى. بيىلعى جىلدان باستاپ رەسپۋبليكالىق ۇشجاقتى كوميسسيا شەشىمىمەن «ەڭبەك تاۋەكەل كارتاسى» اپتا سايىن مونيتورينگتەن وتكىزىلىپ، تۇراقتى باقىلاۋعا الىنعان. بۇل باعىتتا باسقارمامەن وبلىستىڭ «ىستىق نۇكتە» كارتاسى ازىرلەنىپ، وعان ەڭبەك داۋلارى تۋىنداۋ قاۋپى بار 45 ەنگىزىلىپ، تۇراقتى تۇردە جۇمىستار جۇرگىزىلىپ وتىرادى.

«بيىل ايماقتا ەڭبەك ينسپەكتورلارىمەن جەكە جانە زاڭدى تۇلعالاردىڭ 300 ارىز-شاعىمى قارالىپتى. ول بويىنشا 20 تەكسەرۋلەر اشىلىپ، ەڭبەك زاڭناماسىن بۇزۋدىڭ 16 فاكتىسى انىقتالعان. ال، جالپى سومماسى 889،7 مىڭ تەڭگەنى قۇرايتىن 7 ايىپپۇل سالىنسا، ورىندالۋى مىندەتتى 9 نۇسقاما بەرىلگەن. بۇدان بولەك، تەكسەرىستەر اشپاي، جۇمىس بەرۋشى مەن جۇمىسكەردى تابىستىرۋ شارالارى ارقىلى 14 جۇمىسكەردىڭ ماسەلەسى وڭ شەشىمىن تاپتى»، دەيدى باسقارما باسشىسى. ينسپەكتسيا تاراپىنان الەۋمەتتىك-ەڭبەك سالاسىن تسيفرلاندىرۋ، ياعني E-HR جۇيەسىنە ەڭبەك شارتتارىن ەنگىزۋ جۇمىستارى جۇزەگە اسۋدا. بۇگىندە وبلىستا 10 048 كاسىپورىن جۇمىس ىستەپ تۇر. ونىڭ بۇگىنگى كۇنگە 5651-ىندە 189 178 جۇمىسكەردىڭ ەڭبەك شارتتارى ەلەكتروندى فورماتقا اۋىستىرىلعان.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار