«مەملەكەت باسشىسىنىڭ تاپسىرماسى بويىنشا ءبىز بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى ءۇشىن 1 ملرد تەڭگەگە جۋىق قاراجاتقا قاجەتتى جابدىقتار ساتىپ الدىق. ۋاقىت كورسەتىپ وتىرعانداي, بۇل ءبىزدىڭ عالىمدارعا QazVac ۆاكتسيناسىن ازىرلەۋگە مۇمكىندىك بەردى. پرەزيدەنت وسى ينستيتۋتتىڭ, جالپى عىلىمنىڭ دامۋىنا بەلسەندى قولداۋ كورسەتىپ كەلەدى. ەستەرىڭىزدە بولسا, ينستيتۋتتىڭ باس ديرەكتورى مەملەكەت باسشىسىنىڭ جەكە قابىلداۋىندا بولعان ەدى. پرەزيدەنت قولداۋ ءبىلدىرىپ, بىرقاتار ناقتى تاپسىرما بەرگەن بولاتىن. بۇعان دەيىن عالىمدارىمىزدى تۇرعىن ۇيمەن قامتاماسىز ەتۋ بويىنشا ماسەلەلەر بولعان ەدى. ەندى پرەزيدەنت تاپسىرماسىمەن سول عالىمدارعا ارنالعان بىرنەشە تۇرعىن ءۇيدىڭ قۇرىلىسى جۇرگىزىلىپ جاتىر. ءبىر ءۇيدىڭ قۇرىلىسى اياقتالۋعا جاقىن. سالىنعان ۇيلەردىڭ بارلىعى پرەزيدەنتتىڭ تاپسىرماسى بويىنشا ءبىزدىڭ ينستيتۋت قىزمەتكەرلەرىنە بەرىلەدى», دەدى مينيستر.
سونداي-اق ول مەملەكەت باسشىسىنىڭ تاپسىرماسى بويىنشا عىلىمي كادرلاردى دايارلاۋ تاسىلدەرىنە دە وزگەرىستەر ەنگىزىلەتىنىن ايتتى.
