«باستى ماقسات – جوعارى وقۋ ورىندارىنداعى ساپانى كوتەرۋ. ءبىلىم جانە عىلىم مينيسترلىگى جوو-لاردى جەكە نەمەسە مەملەكەتتىك دەپ بولمەيدى. سەبەبى مەملەكەتتىك تە, جەكەمەنشىك جوعارى وقۋ ورنىندا دا ءبىلىم بەرۋ ساپاسى تومەن بولۋى مۇمكىن. وسى ورايدا وقۋ ورىندارى نەگىزسىز جىكتەلىپ, وسىنداي كوزقاراس قالىپتاسقان ەدى. بىزدە ەلدە جانە حالىقارالىق دەڭگەيدە باسەكەگە قابىلەتتى جەكە جوو-لار بار جانە ولاردى ماقتان تۇتامىز», دەدى مينيستر.
مينيستر ەلىمىزدەگى جوو-لار باسەكەگە قابىلەتتى ەمەس دەگەن تاپتاۋرىن پىكىردى ۇمىتۋ كەرەكتىگىن اتاپ ءوتتى.
سوندىقتان قازاقستانداعى وقۋ ورىندارىنىڭ باسىم بولىگى جوعارى ساپادا ءبىلىم بەرۋگە قاۋقارلى بولىپ وتىر.
«سول سەبەپتى مينيسترلىك جەكە جانە مەملەكەتتىك دەپ ءوزارا بولمەيدى. بۇل تۇرعىدا ساپالى ءبىلىم بەرۋ قىزمەتىن ۇسىناتىن وقۋ ورنى جانە ءبىلىمدى ءتيىستى دەڭگەيدە بەرە المايتىن جوعارى وقۋ ورنى دەپ قاراستىرامىز», دەدى ا. ايماعامبەتوۆ.
