مەديتسينا • 08 ءساۋىر، 2021

اتەروسكلەروزدىڭ الدىن الۋعا بولادى – كارديولوگ دارىگەر

56 رەت كورسەتىلدى

اتەروسكلەروز – سوزىلمالى ءورشىپ وتىراتىن، ارتەريالاردى زاقىمدايتىن اۋرۋدىڭ ءتۇرى.  ولاردىڭ قابىرعالارىنا مايعا ۇقساس زاتتار، ەڭ الدىمەن  حولەستەرين كىرەدى. بىرتىندەپ ماي مەن حولەستەريننەن تۇراتىن اتەروسكلەروتيكالىق بلياشكالار پايدا بولادى. اتەروسكلەروتيكالىق بلياشكالار ارتەريا ساڭىلاۋلارىن بىتەيدى. ارتەريالاردىڭ ساڭىلاۋلارى تارىلا باستايدى دا، ول ارقىلى قان از ءجۇرىپ تىندەرى وتتەگى مەن قورەكتىك زاتتاردى از قابىلدايدى.

«ەگەر وسى ارتەريالار ومىرگە ماڭىزدى اعزالار – جۇرەك، ميعا باراتىن بولسا، اتەروسكلەروز جۇرەكتىڭ يشەميالىق اۋرۋىن، ميوكارد ينفارگىن، گيپەرتونيانى، ينسۋلت پەن شەت تامىرلارى اۋرۋلارىن تۋدىرا الادى» دەيدى كارديولوگيا جانە ىشكى اۋرۋلار عزي بولىمشە مەڭگەرۋشىسى، م.ع.ك. گۇلنار وسپانوۆا.

اتەروسكلەروز كوپتەگەن ادامداردا كەزدەسەدى، بۇل رەتتە بۇزىلىستىڭ دامۋى ادامداردا ەرتە جاسىندا باستالادى. بالا جاسىنان باستاپ-اق قولقانىڭ ىشكى قابىرعاسىندا كەيدە حولەستەرينى بار ءليپيدتى جولاقتار بايقالادى. اۋرۋدىڭ دامۋىن جەدەلدەتەتىن جانە ولاردىڭ سيمپتومدارى مەن اسقىنۋلارىنىڭ جىلدام پايدا بولۋىنا اكەلەتىن اتەروسكلەروزدىڭ قاۋىپ فاكتورلارى بار.

گۇلنار ەرماحانقىزىنىڭ ايتۋىنشا، ەگەر ولاردىڭ الدىن الىپ، ەمدەلەتىن بولساق، جۇرەك-تامىر اۋرۋلارىنىڭ دامۋىنا جول بەرىلمەيدى. اۋرۋدىڭ اعىمىنىڭ ەش سيمپتومسىز بولۋىنا بايلانىستى، اتەروسكلەروزدىڭ پروفيلاكتيكاسىن اسقىنۋلارعا دەيىن ەرتەرەك باستاعان دۇرىس.

ەڭبەك پەن دەمالىستى، سونىمەن قاتار دەنە قيمىلىنىڭ بەلسەندىلىگىن دۇرىس ۇيىمداستىرىلۋىنىڭ ماڭىزى زور، سەبەبى اتەروسكلەروز از قيمىلدايتىن ادامداردا بايقالادى. سونداي-اق دۇرىس تاماقتانۋدىڭ دا زور ماڭىزى بار. تاعام ءارتۇرلى بولىپ جانە ول جەمىس-جيدەكتەر، كوكونىستەرگە مول بولۋى ءتيىس. تەمەكى شەگۋ، الكوگول ىشىمدىكتەرىن ءىشۋ سەكىلدى زياندى ادەتتەرمەن كۇرەسۋ قاجەت.

اتەروسكلەروزدىڭ الدىن الۋ شارالارىندا ەڭ الدىمەن تامىرلاردىڭ زاقىمدانۋىنا بەيىم بولاتىن ارتەريالىق گيپەرتەنزيا مەن قانت ديابەتىن دەر كەزىندە انىقتاۋ جانە ولاردىڭ جۇيەلى ەمدەلۋىن باقىلاۋدىڭ ماڭىزى زور.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار